Аналітыкі праекта DeepState паведамляюць, што расіяне трэці раз пасля выпадкаў каля Суджы і ў Аўдзееўцы выкарысталі трубы для пранікнення сваіх груп.
Уваходы ў трубу знаходзяцца ў раёне Лімана Першага. Для перамяшчэння ў трубе выкарыстоўваюцца спецыяльна распрацаваныя ляжанкі на колах, а таксама электрасамакаты, дзе дазваляе вышыня. Маршрут да ўскраін Купянска займае прыблізна 4 дні, таму па дарозе зроблены спецыяльныя месцы для адпачынку і запасы правізіі.
Такім чынам арганізаваныя групы праціўніка без сур’ёзных страт дабіраюцца да Рэдзькаўкі, а далей перамяшчаюцца на поўдзень у лес, які яны кантралююць. Пасля гэтага рассейваюцца ў Купянску і даходзяць да чыгункі, паведамляе праект.
Нагадаем, што ў выніку наступу ўкраінскіх войск у жніўні 2024 года была захоплена частка тэрыторыі Курскай вобласці Расіі, уключаючы горад Суджа. У сакавіку 2025 года каля 100 расійскіх вайскоўцаў прайшлі па газаправодзе да пазіцый УСУ ў Суджы.
Каментары