МЗС Польшчы пра закрыццё мяжы: Думаем перш за ўсё пра дзяржаўную бяспеку, а не пра эканамічную выгаду або выдаткі
15 верасня прэс-сакратар МЗС Польшчы Павел Вроньскі на брыфінгу пасля перамоваў міністраў замежных спраў Польшчы і Кітая Радаслава Сікорскага і Ван І пракаментаваў магчымасць адкрыцця польска-беларускай мяжы.
Павел Вроньскі падкрэсліў, што ў сваёй дзейнасці польскі ўрад кіруецца перш за ўсё меркаваннямі дзяржаўнай бяспекі, а не думае пра эканамічную выгаду або выдаткі, звязаныя з закрыццём.
Паводле Вроньскага, аналізы кошту закрыцця мяжы не праводзіліся, бо прыярытэтам з’яўляецца бяспека, а выдаткі разглядаюцца толькі пасля прыняцця рашэння.
Прадстаўнік МЗС адзначыў, што польскі ўрад не інфармаваў еўрапейскіх партнёраў пра намер закрыць мяжу, паколькі гэта суверэннае рашэнне Польшчы.
Падчас сустрэчы з кітайскім бокам абмяркоўваліся пытанні адносін Польшчы з Беларуссю і закрыцця памежных пераходаў. Польскі бок заявіў, што закрыццё мяжы — нявыгадная з эканамічнага пункту гледжання мера, але неабходная з-за неаднаразовых правакацый з боку Беларусі.
Вроньскі таксама нагадаў пра дэструктыўныя дзеянні Расіі, пра якія польскі бок папярэдзіў кітайскіх партнёраў, і выказаў надзею, што Кітай акажа пэўнае супрацьдзеянне дзеянням Масквы і Мінска.
Па словах прадстаўніка МЗС, пасля заканчэння перамоў планаваныя публічныя заявы міністраў аб выніках сустрэчы былі скасаваныя па просьбе кітайскага боку. Адразу пасля гэтага кіраўнік МЗС Кітая накіраваўся на сустрэчу з прэзідэнтам Польшчы Каралем Наўроцкім.
Сікорскі сустрэўся з Ван І у спецрэзідэнцыі Мінабароны. Па просьбе кітайскага боку заяваў для прэсы не было
У Беларусь прыедзе высокі кітайскі чыноўнік
Bild: Вучэнні «Захад-2025» заканчваюцца. Зараз у Пуціна тры варыянты, і два з іх — адправіць войскі ў бой
Лукашэнка сказаў, што не мае ілюзій адносна хуткага аднаўлення дыялогу з Польшчай
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову25
Каментары