Сустрэліся міністры замежных спраў Польшчы і Кітая. Па просьбе кітайскага боку заяваў для прэсы не было
Міністр замежных спраў Польшчы Радаслаў Сікорскі правёў сустрэчу са сваім кітайскім калегам Ван І. Сустрэча адбылася 15 верасня ў прадстаўнічым цэнтры Мінабароны ў Хелянове пад Варшавай.
Бакі абмеркавалі эканамічныя адносіны Польшчы і Кітая, падкрэсліўшы патрэбу ў больш збалансаваным супрацоўніцтве за кошт рост польскага экспарту, паведамляе МЗС Польшчы.
Акрамя таго, разглядаліся пытанні адносін Еўрасаюза і Кітая пасля апошняга саміту, міжнародны парадак на аснове Статута ААН, бяспека ва Усходняй Еўропе і Усходняй Азіі, а таксама адносіны Кітая і ЗША.
Радаслаў Сікорскі таксама звярнуў увагу на дзеянні Расіі ва Украіне і на мяжы з Беларуссю, падкрэсліўшы ролю Кітая ў падтрымцы міру і міжнароднай бяспекі.
Пасля заканчэнні сустрэчы Сікорскі і Ван І не рабілі публічных заяў, нібыта па просьбе кітайскага боку.
Польшча ўначы з 11 на 12 верасня закрыла мяжу з Беларуссю ў адказ на гібрыдныя атакі і правакацыі Мінска. Гэта вялікі выклік для Пекіна: гандаль Кітая з Еўрасаюзам у значнай ступені ідзе праз беларускія транспартныя калідоры.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення15
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары