Лукашэнка: Беларусь не мае дачынення да дронаў, што залятаюць у Польшчу або Літву
Аляксандр Лукашэнка сёння на ўручэнні дзяржаўных узнагарод заявіў, што дроны, выяўленыя апошнім часам на тэрыторыі Польшчы і Літвы, якія мяжуюць з Беларуссю, не звязаныя з Мінскам.
«Усё, што залятае ў Польшчу, Літву — мы не маем да гэтага ніякага дачынення», — сказаў палітык.
«Калі яны завылі пасля таго, як мы збілі палову беспілотнікаў, не ведаючы, чые яны, якія… Збілі — і ўсё. Некалькі штук мы не змаглі знішчыць. Мы выдаткавалі велізарныя сродкі, каб знішчыць гэтыя беспілотнікі, якія ляцелі не да нас — ляцелі ў Польшчу. І ім паведамілі, колькі, куды ляціць беспілотнікаў. Мы таксама не ведалі, чые яны: «Рабіце!» Яны гэта прызнаюць. Тым не менш шкодзяць. Значыць, у іх ёсць нейкія намеры. Мы павінны іх разгадваць. Мы іх разгадалі. І павінны гэтаму супрацьстаяць. Нікому нічога не тлумачачы», — дадаў Аляксандр Лукашэнка.
10 верасня ў небе над Польшчай былі зафіксаваныя больш за 20 беспілотнікаў, некалькі дронаў былі збітыя з удзелам авіяцыі Польшчы і NATO. 16 верасня польскі прэм’ер Дональд Туск паведаміў, што над двума ўрадавымі будынкамі ў Варшаве быў збіты беспілотнік, затрыманыя двое грамадзян, у тым ліку адзін грамадзянін Беларусі, іх матывы невядомыя.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3510
Каментары
Он, не контролирует, в Беларуси, НИ-ЧЕ-ГО !