Бабруйчанін праз тыкток запрасіў ахвотных на сельскую дыскатэку ў Глускім раёне. Паглядзіце, што атрымалася
Жыхар Бабруйска Рыгор Булка праз тыкток запрасіў усіх ахвотных завітаць у вёску свайго дзяцінства, каб патанцаваць на сапраўднай вясковай дыскатэцы. У выніку адчуць той самы вайб захацелі дзясяткі людзей з розных куткоў Беларусі.
У вёсцы Зелянковічы Глускага раёна 13 верасня прайшла незвычайная дыскатэка пад адкрытым небам у двары дома. Яе ініцыятарам стаў жыхар Бабруйска Рыгор Булка.
На імправізаваную вечарыну, якая прайшла проста на двары дома, прыехалі людзі з розных гарадоў і раёнаў Беларусі: Глуска, Акцябрскага, Бабруйска, Мазыра, Слуцкага раёна, з Мінска. Паводле інфармацыі мясцовага пабліка myastechka_glusk, вечарына адбылася на поўным энтузіязме — без квіткоў і сцэны.
Відэа з дыскатэкі хутка разышлося па сацсетках і выклікала захапленне.
Але некаторыя больш дасведчаныя каментатары выказалі занепакоенасць, ці меўся дазвол на правядзенне масавага мерапрыемства ад мясцовых уладаў і міліцыі.
У адказ адзін з удзельнікаў з іроніяй напісаў: «Мы ўсе прыехалі капаць бульбу, а тое, што вы бачыце, — гэта мы са сваякамі вечарам крыху адпачылі». Іншыя мяркуюць, што «ніхто не рэгламентуе, колькі гасцей можна паклікаць дадому».
-
Брытанія 25 гадоў не можа дэпартаваць беларуса — той хлусіць беларускім уладам, што ён не свой. І яны не забіраюць яго дадому
-
Вывучыў восем моваў, ажаніўся і стаў доктарам у Барысаве — гісторыя медыка з Туркменістана
-
Міністр абароны Літвы пра ліст Зяленскага: Наіўна чакаць, што Пуцін проста возьме і адступіць
Каментары
@колькі гасцей можна паклікаць дадому@ --- гасцей ЗАПРАШАЮЦЬ, а не клічуць
.... і, увогуле ("агулам"))) :
клічнік = восклицательный знак