Іміграцыйная і мытная служба ЗША затрымала не менш за дзевяць беларусаў пасля выкліку на праверку
Асацыяцыі беларусаў у Амерыцы (ABA) стала вядома аб чарговым затрыманні беларуса пры выкліку ў Іміграцыйную і міграцыйную службу (ICE).
На гэты момант утрымліваюцца ў дэтэншн (міграцыйных цэнтрах) не менш за дзевяць беларусаў, паведамляе ABA.
У Асацыяцыі беларусаў Амерыкі раяць, калі вы падаліся на палітычны прытулак у ЗША і чакаеце суда, і вас выклікаюць па любой прычыне ў ICE або USCIS, мець на ўвазе: існуе рызыка, што вас могуць змясціць у дэтэншн (міграцыйны цэнтр).
У дэтэншне ў вас не будзе доступу да інтэрнэту для падрыхтоўкі кейсу; цяжка будзе паведаміць родным і сябрам пра сітуацыю; можа быць страчаны час для працы з адвакатам; не будзе доступу да лекаў.
Загадзя трэба праверыць усе папярэднія выклікі (notices) і ці не прапускалі вы выклікаў. Трэба рэгулярна адсочваць свой статус у судовай сістэме па А-нумару праз acis.eoir.justice.gov.
Варта своечасова паведамляць пра змену адрасу ў адпаведныя органы праз іх вэб-старонкі, а таксама абмеркаваць са сваім адвакатам план дзеянняў пры затрыманні.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары