У Малдове праходзяць маштабныя вобшукі, у тым ліку сярод паплечнікаў прарасійскага палітыка Дадона
У Малдове прайшлі сотні вобшукаў па справе аб падрыхтоўцы масавых беспарадкаў і дэстабілізацыі. Прарасійскі лідар сацыялістаў Ігар Дадон заявіў, што ў частцы выпадкаў гаворка ідзе пра ягоных паплечнікаў.
Генеральны інспектарат паліцыі Малдовы 22 верасня паведаміў, што раніцай прадстаўнікі шэрагу службаў правялі больш за 250 вобшукаў, піша «Еўрапейская праўда».
«У аперацыі фігуруюць больш за 100 чалавек з розных населеных пунктаў краіны. Вобшукі звязаны з крымінальнай справай аб падрыхтоўцы масавых беспарадкаў і дэстабілізацыі, якія каардынавалі з РФ праз крымінальныя элементы», — заявілі ў паліцыі.
Экс-прэзідэнт Малдовы, лідар Партыі сацыялістаў Ігар Дадон, вакол якога сфармаваны прарасійскі «Патрыятычны блок», заявіў аб вобшуках у сваіх паплечнікаў на поўначы краіны.
Дадон назваў гэта «запалохваннем з боку злачыннага рэжыму» і заявіў, што прэзідэнт Мая Санду і яе партыя «шукаюць падстаў для адмены выбараў», бо «ведаюць, што іх палітычны канец блізкі».
У сфармаваны вакол Дадона прарасійскі блок, акрамя Партыі сацыялістаў, уваходзяць камуністы, партыя «Сэрца Малдовы» былой кіраўніцы Гагаузіі Ірыны Влах і «Будучыня Малдовы».
Да гэтага ў Малдове прайшлі вобшукі па справе аб падкупе выбаршчыкаў; у Кішынёве было канфіскавана мільён долараў па справе аб незаконным фінансаванні партый.
Раней агенцтва Bloomberg апублікавала матэрыял пра расійскі план умяшання ў выбары ў Малдове, а BBC апублікавала расследаванне пра дэзінфармацыю ў Малдове перад выбарамі за грошы з РФ.
-
«Залічаная па нестандартнай працэдуры». Стала вядома, як шчодра падмазваў Эпштэйн універсітэт, у якім вучылася Карына Шуляк
-
Рубіа ў апошні момант адмяніў сустрэчу з лідарамі Еўропы аб пытанні Украіны
-
Студзень 2026 года ўвайшоў у пяцёрку самых цёплых першых месяцаў года ў свеце. Як гэта ні дзіўна для беларусаў
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары