Купалаўскі тэатр замест «Паўлінкі» паказаў прапагандысцкі спектакль пра «СВА»
У апошні дзень верасня гледачы павіны былі ўбачыць у Купалаўскім тэатры «Паўлінку». Але замест вядомага спектакля людзям прапанавалі прапагандысцкую пастаноўку пра вайну ў выкананні акцёраў Томскага абласнога тэатра драмы.
Пра замену спектаклю Купалаўскі тэатр паведаміў за тыдзень. Прычына змен у рэпертуары звязана з тым, што 30 верасня планавалі падпісаць пагадненне аб супрацоўніцтве паміж двума тэатрамі.
Неабходнасць супрацоўніцтва тлумачаць гістарычнай сувяззю — падчас Другой сусветнай вайны Купалаўскі тэатр эвакуіравалі ў Томск.
Падчас візіту расійская дэлегацыя захацела ашчаслівіць беларускую публіку. Для гэтага абралі прапагандысцкі спектакль «Чырвоны абоз».
Рэжысёр Аляксандр Дземчанка дзеля маніпуляцыі вырашыў правесці паралелі паміж Другой сусветнай вайной ды вайной ва Украіне, якую ў Расіі прынята называць «спецыяльнай ваеннай аперацыяй».
Першая частка прысвечана гісторыі рыбакоў Нарымскага краю, якія ў 1942 годзе адпраўлялі рыбу працоўным Кузбаса.
У другой частцы расказваецца, што «з пачаткам СВА «чырвоны абоз» рушыў ізноў». Дарэчы, з 2023 года існуе фонд «Чырвоны абоз. Томск — фронту», сярод мэт якога грамадзянска-патрыятычнае выхаванне, дапамога расійскім вайскоўцам і іх сем'ям.
Перад пачаткам спектаклю беларускіх гледачоў папрасілі рабіць фота і відэа, выкладаць у свае сацсеткі і адзначаць Томскі тэатр.
Купалаўскі тэатр прапаноўвае новую паслугу: цяпер там можна пабрацца шлюбам
У Магілёве ідзе спектакль 18+, які карыстаецца шалёнай папулярнасцю — гледачы прыязджаюць з іншых гарадоў
У Купалаўскім ужо пяць гадоў не могуць знайсці акцёраў. Што прыдумалі гэтым разам
У Купалаўскім тэатры адбылася першая прэм'ера сезона. Гэта трагікамедыя Дастаеўскага з Няфёдавай у галоўнай ролі
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ5
Каментары
Но такие "спектакли" тащить туда - это дно дна
И отдельные слова оставшимся в театре - как вам это, вы говорили лишь бы не было войны? И говорили, что уволившиеся уничтожили Купаловский. Это вы уничтожили Купаловский! Полякова-Макей еще катила бочки на Латушко, говорила, что ему никогда не простит. А можно простить извращение национального театра, она простит это?