Залужны: Ніякіх выбараў падчас вайны быць не можа, не падыгрывайце ворагу
Былы галоўнакамандуючы Узброеных сіл Украіны, а цяпер пасол Украіны ў Вялікабрытаніі Валерый Залужны ў сваім тэлеграм-канале рашуча аспрэчыў чуткі, што ён нібыта хоча пайсці ў актыўную палітыку і зацікаўлены ў як найхутчэйшым правядзенні прэзідэнцкіх выбараў, каб на іх перамагчы.
Залужны адзначае, што яму вельмі крыўдна, калі ўкраінскія СМІ хутка распаўсюджваюць фэйкі ў краіне, якая ваюе. І звярнуў увагу, што гэта робіцца адначасова з расійскай прапагандай.
Ён выказвае шкадаванне, што медыя не тлумачаць грамадзянам Украіны, якой стратэгіі ім трэба прытрымлівацца, каб хоць бы атрымаць шанец на правядзенне ў краіне нейкіх выбараў. Замест гэтага яны, маўляў, расказваюць пра рэйтынгі, партыі, штабы і пра тое, каму варта ці не варта займацца палітыкай.
«Я не прызнаю ніякіх ідэй правядзення выбараў падчас вайны. Кожны, хто атрымлівае прапанову ад нібыта майго прозвішча далучыцца да любых працэсаў праз любую арганізацыю, павінен паведаміць пра гэта праваахоўным органам.
Я не ствараю ні штабоў, ні партый і прынцыпова не маю ніякіх сувязяў з якой-небудзь палітычнай сілай.
Пакуль у мяне ёсць магчымасць служыць дзяржаве — я буду гэта рабіць. Мая пазіцыя нязменная: пакуль ідзе вайна, выбары ва Украіне ў яе дзяржаўныя органы немагчымыя», — падкрэслівае Валерый Залужны.
На яго думку, вораг, не здолеўшы перамагчы ўкраінцаў на фронце, цяпер выкарыстоўвае любыя сродкі, каб пасеяць разлад у грамадстве і падрыхтаваць украінцаў да выбараў, але не ва ўкраінскія органы ўлады, а ў Дзяржаўную думу Расіі — краіны, якая іх забівае.
«І, дарэчы — іх аб'явяць у апошні раз менавіта ананімныя крыніцы. Потым — гэта будзе праўда», — піша Залужны.
Напрыканцы ён канстатуе — толькі аб’яднаная нацыя здольная вытрымаць, таму трэба трымаць шыхты.
Залужны: Украіну ўратуе стварэнне кіберфізічнай сістэмы абароны, з апорай на робатаў
Пасля канфлікту з Зяленскім Вэнс званіў Залужнаму. Той не ўзяў трубку
Залужны і Зяленскі застаюцца шалёна папулярнымі ва Украіне
Залужны: Гэта новы тып вайны. 15 км ад лініі фронту — цяпер зона суцэльнай смерці. Авіяцыя і флот страцілі сваё значэнне
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары
Крутой чел, как сказал про него Трамп.