Жанчына, у якой памерла дачка, праз сацсеткі шукае беларускі світшот, як быў у дзіцяці. Вытворца таксама адгукнуўся
Пасля трагічнай страты 20‑гадовай дачкі, якая раптоўна памерла ад тромба, маці праз сацсеткі пачала шукаць ружовы світшот ад Mark Formelle — любімую рэч дзяўчыны. Пост выклікаў вялікі рэзананс: карыстальнікі пачалі масава дзяліцца спачуваннямі, прапановамі і гісторыямі ўласнай страты. Да пошукаў далучыўся і сам брэнд, які ўжо зняў гэтую рэч з вытворчасці.
Карыстальніца Threads з нікам anna.atai апублікавала шчымлівы допіс, у якім расказала пра смерць сваёй 20‑гадовай дачкі.
«21 мая памерла мая дачка. Ёй было 20 гадоў, разумніца, прыгажуня, памерла раптоўна ад тромба ў мозгу. У яе была любімая рэч, світшот Mark Formelle. Яна насіла яго ўвесь час. Зараз гэты світшот у мяне. Але паколькі ён быў любімай рэччу, ён расцягнуўся, дзе-нідзе дзірачкі, дзе-нідзе плямы, якія не адмываюцца. Я хачу купіць такі ж».
Жанчына піша, што звярталася непасрэдна да кампаніі Mark Formelle, але там паведамілі, што мадэль больш не выпускаецца.
«Але я ўпэўнена, што дзесьці ў свеце ёсць такі яшчэ хоць бы адзін. Нейкія нераспрададзеныя рэшткі, ці хтосьці купіў і не носіць, ці заваляўся дзесьці на складзе. Увогуле, буду ўдзячная, калі знойдзецца. Я куплю», — напісала яна.
Пост стаў вірусным, за двое сутак сабраў 17 тысяч лайкаў і тысячу каментароў. Людзі пачалі дапамагаць у пошуках — прапаноўвалі свае падобныя світшоты, дзяліліся спасылкамі, выказвалі спачуванні і словы падтрымкі. Многія расказвалі пра свае страты, спрабуючы падтрымаць жанчыну.
«Мае шчырыя спачуванні. Я страціла сына ў 2021. Анеўрызма. 29 гадоў. Сэрца крывёй абліваецца…»
«Я дагэтуль захоўваю старую татаву байку. Не мыла, не апрацоўвала. 12 гадоў прайшло. Проста складзена і ляжыць у шафе».
«Дзякуй, што вы пішаце. І я плачу, калі чытаю гэта…»
«На маё 17‑годдзе тата падарыў мне нейкі дэзадарант. Я потым яго яшчэ два гады захоўвала і не карысталася, каб хоць нейкая памяць засталася. Тата памёр праз тры тыдні пасля майго дня нараджэння. Абдымаю Вас».
«Вітаю! Вельмі суперажываю Вам. У мяне ў родным горадзе, здаецца, застаўся такі ж світшот».
«Знайшла такі на Куфары».
«Вельмі шкада Вас і Вашу дачку. 15 мая я перанесла інсульт, і мне было ўсяго 35. Хачу падтрымаць Вас і моцна-моцна абдымаю», — пішуць словы падтрымкі каментатары.
На зварот адгукнуўся і сам брэнд Mark Formelle. Кампанія пакінула каментар пад постам: «Вашае паведамленне не можа пакінуць абыякавым. Няма слоў, якія маглі б суцешыць у такой страце. Мы шчыра раздзяляем ваш боль і крануты тым, што частка вашай гісторыі звязана з нашым брэндам. І для нас гэта стане справай гонару — знайсці той самы світшот у знак памяці, цеплыні і нашай падтрымкі. Мы напісалі вам у асабістыя паведамленні».
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары