Аляксандр Азараў, кіраўнік арганізацыі Bypol і ўладальнік дэтэктыўнага агенцтва «Рэкс», даў у сацсетках аб'яву аб пошуку людзей, якія маюць даволі спецыфічныя кваліфікацыі.
«Шукаю беларусаў з вопытам правядзення вонкавага назірання, а таксама ўстаноўкі і эксплуатацыі тэхнічных сродкаў для схаванай фіксацыі гуку і відэавыявы», — напісаў Аляксандр Азараў.
Навошта такія кадры патрабуюцца, Азараў не ўдакладніў. Магчыма, ён хоча ім прапанаваць працу ў дэтэктыўным агенцтве «Рэкс», створаным сёлета вясной у Варшаве.
Як расказваў сам Азараў, ягоная кампанія збіралася выкрываць праслухоўванне ў памяшканнях, аўтамабілях і тэлефонах, кансультаваць у галіне бяспекі, прадаваць і здаваць у арэнду спецтэхніку, дзеліцца суразмоўца.
«Магчымы збор доказаў па крымінальных і грамадзянскіх справах, праверка інфармацыі, розных фактаў, пошук людзей, у тым ліку родных і продкаў. Будзем займацца і праверкай бізнес-партнёраў і патэнцыйных працаўнікоў. Яшчэ можам зрабіць абследаванне мясцовасці. У нашыя кампетэнцыі ўваходзяць і сямейна-шлюбныя справы, звязаныя з выкрыццём здрады ці апекай над дзецьмі», — расказваў ён у інтэрв'ю.
Азараў адкрыў у Варшаве дэтэктыўнае агенцтва «Рэкс»
Азараў расказаў, чым будзе займацца яго дэтэктыўнае бюро «Рэкс»
Азараў закрыў план «Перамога» і перавёў усіх удзельнікаў у рэзерв
Азараў: Фатограф-агент Мішчук працаваў у АBBA, бываў дома ў многіх актывістаў, аднаго з бізнэсменаў пасадзілі пасля фотасесіі
Азараў: Каханак Мельнікавай браў удзел у правакацыі з Азаронкам і быў узнагароджаны
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары