Грамадства55

Лідар АГП Мікалай Казлоў выехаў з Беларусі

Пра тое, што старшыня ліквідаванай у Беларусі АГП і былы палітвязень Мікалай Казлоў пакінуў тэрыторыю Беларусі, паведамілі ягоныя паплечнікі па партыі. Неўзабаве ён мае намер даць прэс-канферэнцыю.

Мікалай Казлоў у студзені 2020 года

Мікалай Казлоў выйшаў на волю больш за год таму, у ліпені 2024 года.

Першы раз яго асудзілі ў жніўні 2021 года да трох месяцаў арышту. Палітыка прызналі вінаватым па ч. 1 арт. 407 Крымінальнага кодэкса за разгалашэнне звестак паводле крымінальнай справы супраць Каардынацыйнай рады, але канкрэтныя эпізоды абвінавачвання невядомыя, бо суд праходзіў у закрытым рэжыме. Быў вызвалены 26 сакавіка 2022 года па заканчэнні тэрміну.

27 ліпеня 2022 года Казлова зноў затрымалі. Паводле абвінавачання, Казлоў, яго паплечніцы Антаніна Кавалёва і Аксана Аляксеева 23 жніўня 2020 года «публічна выкрыквалі лозунгі, гучна апладзіравалі, знаходзіліся на праезнай частцы, чым блакавалі і перашкаджалі руху транспарту ў Мінску, у тым ліку гарадскога пасажырскага транспарту «Мінсктранса»

Яму далі два з паловай гады пазбаўлення волі ў калоніі ва ўмовах агульнага рэжыму. Тэрмін за кратамі ён адбыў цалкам.

Да таго, як прыйсці ў палітыку, цяпер 58‑гадовы Мікалай Казлоў на працягу 17 гадоў працаваў старшым оперупаўнаважаным па асабліва важных справах крымінальнага вышуку УУС Цэнтральнага раёна Мінска, за гэтыя гады раскрыў сотні злачынстваў. Даслужыўся да звання падпалкоўніка міліцыі, якога ў 2021 годзе Лукашэнка яго пазбавіў сваім указам.

Падчас парламенцкіх выбараў 2008 года, ахоўваючы парадак на выбарчым участку, Казлоў абвінаваціў старшыню ўчастковай камісіі Аляўціну Гладкую і намесніка старшыні Аляксея Пятніцу ў здзяйсненні фальсіфікацыі, калі яны ўвайшлі ў апячатаны пакой і ўкінулі ў скрыню для галасавання пачак бюлетэняў. Казлоў напісаў пра гэта рапарт начальству, а калі захадаў ніхто не зрабіў, паведаміў у незалежную прэсу.

Казлова прасілі адклікаць рапарт, каб замяць справу, але ён праявіў прынцыповасць і неўзабаве пайшоў у запас. Неўзабаве ён уступіў у Аб'яднаную грамадзянскую партыю, а ў 2018 годзе яе ўзначаліў. У 2020 годзе ён быў на выбарах даверанай асобай Святланы Ціханоўскай.

Мікалай Казлоў быў лаўрэатам прэміі імя Джорджа Буша і Маргарэт Тэтчэр «За свабоду».

Таксама ён быў прызнаны «Чалавекам года-2010» па версіі «Нашай Нівы». Аргументуючы свой выбар, рэдакцыя тады пісала: «Без яго і без такіх, як ён, напэўна, не было б і маніфестацыі 19 снежня, свет не пабачыў бы сутнасці беларускіх «выбараў».

Каментары5

  • Вось і прыклад
    17.10.2025
    А некаторыя палітвязні-актывісты, якіх вывезлі ў Літву, яшчэ вераць, што змаглі б спакойна заставацца ў Беларусі пасля вызвалення.
    Не. Давялося б таксама бегчы лясамі і балотамі за мяжу.
  • Вількаміраўскі пан
    17.10.2025
    Праз год стане літОўцам Казлаўскасам.
  • ))
    17.10.2025
    ОПГ

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць