У Еўропе ўспрымаюць сустрэчу Пуціна і Трампа ў Будапешце як «палітычны кашмар»
Сустрэча прэзідэнтаў Расіі і ЗША Уладзіміра Пуціна і Дональда Трампа, якая плануецца ў Будапешце, выклікала трывогу ў Еўрасаюзе. Еўрапейскія чыноўнікі ў прыватных размовах называюць яе «палітычным кашмарам», бачачы ў гэтым праяву ігнаравання ЕС, піша іспанскае выданне El País.
Выбар Венгрыі для правядзення саміту ставіць еўрапейскіх лідараў, а таксама кіраўніцтва ЕС і НАТА, у нязручнае становішча. Па словах аднаго еўрапейскага дыпламата, менавіта Будапешт як месца правядзення можа моцна спрыяць Расіі, бо паслабляе адзінства ЕС і адначасова падтрымлівае венгерскага прэм’ера Віктара Орбана перад парламенцкімі выбарамі 2026 года.
El País адзначае, што сустрэча таксама дазваляе Пуціну ўмацаваць свае пазіцыі на глабальнай геапалітычнай арэне і дэманструе, як Венгрыя выкарыстоўваецца як «слабое звяно» ЕС. На думку палітолага з Гарварда Альберта Алемана, Орбан атрымлівае выгаду ад адносін з Расіяй і ЗША больш, чым з ЕС. Эксперт таксама адзначае, што Орбан можа нібыта прадстаўляць на гэтым саміце інтарэсы ўсёй Еўропы, хоць яго пазіцыя па пытанні Украіны адрозніваецца ад афіцыйнай лініі Бруселя.
Нягледзячы на гэта, Еўракамісія афіцыйна вітае дамоўленасць аб перамовах паміж Пуціным і Трампам. Прадстаўнік ЕК адзначае, што сустрэчы не заўсёды праходзяць у жаданым фармаце, але калі яны набліжаюць да справядлівага і трывалага міру для Украіны, то іх трэба падтрымліваць.
Саміт у Будапешце таксама стварае лагістычныя праблемы: некаторым еўрапейскім краінам давядзецца адкрыць сваё неба для самалёта Пуціна, бо палёты расійскіх бартоў звычайна забароненыя, у тым ліку над ЗША. Аднак для перамоў на Алясцы ў жніўні 2025 года была зроблена выключэнне.
Пуцін можа дабрацца ў Венгрыю праз Польшчу, Румынію або над Чорным морам па ўзгадненні з Турцыяй. Найбольш практычным лічыцца маршрут праз Польшчу, але ён можа быць заблакаваны, калі польскія ўлады будуць ствараць перашкоды.
Сустрэча стала магчымай пасля нядаўняй тэлефоннай размовы Пуціна і Трампа. Венгрыя заявіла, што гатовая прымаць перамовы на найвышэйшым узроўні. Орбан падкрэслівае, што Будапешт — адзінае месца ў Еўропе, дзе гэта можна зрабіць, бо венгерскія ўлады апошнія тры гады «адкрыта выступаюць за мір». Міністр замежных спраў Венгрыі Петер Сіярта гарантаваў стварэнне бяспечных умоў для перамоў.
Фармальна Венгрыя яшчэ ўдзельнічае ў Рымскім статуце і павінна выконваць ордары Міжнароднага крымінальнага суда, у тым ліку выдадзены на арышт Пуціна. Германія перад самітам заклікала Орбана выконваць гэтыя абавязкі. Хоць Венгрыя абвясціла пра выхад з МУС у красавіку 2025 года, працэдура займае 21 месяц, таму на момант візіту Пуціна яна яшчэ будзе пад юрысдыкцыяй суда.
Мерц: Візіт у ЗША прайшоў не так, як спадзяваўся Зяленскі
Паказаны імаверны шлях Пуціна да Будапешта
Спецпасланнік Пуціна прапанаваў злучыць Расію і ЗША «тунэлем Пуціна — Трампа»
Трамп перапыніў сустрэчу на Алясцы пасля доўгай лекцыі Пуціна пра Рурыка і Яраслава Мудрага
Пяскоў патлумачыў, чаму месцам будучай сустрэчы Трампа і Пуціна абраны Будапешт
Трамп пагадзіўся на яшчэ адну сустрэчу з Пуціным — у Будапешце
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч18
Каментары
там у́сё продана і куплена , спадарства .
Было б добра, каб пры пралёце над морам на перамовы з Пуціным прыляцела б ракета ВСУ. Ёсць аб чым паразмаўляць.
Яшчэ ёсць варыянт капаць тунэль "Пуцін - Орбан".
Па трубе газаправода паўзці.
Разумею, што адчуваюць зараз нармальныя вугорцы. Краіна свабодная - спадзяваюся, зробяць там пратэсты.
Трамп, вядома, яшчэ глыбей закопваецца. Сустрэцца з 2-мя мутнымі дзеячамі адразу. Горш толькі ў Маскву або Мінск.