Пракурорка Парыжа раскрытыкавала ўцечку інфармацыі наконт затрымання падазраваных, што абрабавалі Луўр
Парыжскі пракурор Лара Бэкуа пацвердзіла факт арыштаў падазраваных у абрабаванні Луўра, якое адбылося на мінулым тыдні. Яна ўдакладніла, што арышты былі праведзеныя ўвечары ў суботу 25 кастрычніка, і адзін з затрыманых «рыхтаваўся пакінуць краіну».
Аднак Бэкуа выказала глыбокае шкадаванне з нагоды таго, што інфармацыя пра расследаванне трапіла ў СМІ заўчасна.
«Глыбока шкадую аб раскрыцці гэтай інфармацыі без уліку інтарэсаў следства. Гэта можа толькі нашкодзіць намаганням сотняў следчых, якія ўдзельнічаюць у пошуку як выкрадзеных каштоўнасцяў, так і ўсіх злачынцаў», — заявіла пракурорка.
Яна паведаміла, што дадатковыя падрабязнасці будуць дадзеныя пасля заканчэння допыту падазраваных, які можа доўжыцца да 96 гадзін.
Раней стала вядома пра затрыманне першых падазраваных.
Паводле выдання Le Parisien, адзін з падазраваных быў затрыманы ў парыжскім аэрапорце, адкуль ён планаваў вылецець у Алжыр. Абставіны арышту другога не раскрываюцца.
Абодва затрыманыя жывуць у прыгарадзе Парыжа і, як мяркуецца, з'яўляюцца часткай злачыннай групоўкі, якой прыпісваюць крадзеж.
Паліцыя працягвае пошукі астатніх удзельнікаў банды. Паведамляецца, што зламыснікі ўсяго за 7 хвілін вынеслі ўнікальныя экспанаты і ўцяклі на скутарах.
Пасля здарэння Луўр часова перавёз частку сваёй ювелірнай калекцыі ў сховішча Банка Францыі.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА91
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары