У Пакроўску працягваюцца цяжкія баі, расійскія войскі праніклі ў горад, лагістыка ўскладненая — 7‑ы корпус хуткага рэагавання Дэсантна-штурмавых войскаў Украіны распавёў пра сітуацыю на раніцу 27 кастрычніка.
У Пакроўску працягваюцца баі з групамі расіян, якія дзякуючы колькаснай перавазе ў сілах і сродках здолелі трапіць у горад і назбірацца ў розных частках населенага пункта.
Абаронцы Пакроўска аказваюць супраціў.
«Днямі нашую абарону ўзмацнілі новымі падраздзяленнямі. Пяхота, штурмавыя войскі, артылерыя, экіпажы БпЛА і іншыя складнікі Сіл абароны нарошчваюць выкарыстанне зенітных дронаў з сеткамі супраць варожых «мавікаў», — піша прэс-служба корпуса.
Паводле паведамлення, расіяне не спрабуюць замацавацца ў горадзе, а маюць намер прасунуцца далей на поўнач. Тым самым расіяне хочуць распыліць сілы ўкраінскай абароны і заблакаваць сухапутныя лагістычныя калідоры да горада.
«Таму зараз пра поўны кантроль над адным з раёнаў Пакроўска гаворка не ідзе», — гаворыцца ў паведамленні.
Праціўнік мае магчымасць весці назіранне за перамяшчэннямі як у Пакроўску, так і ў Мірнаградзе.
«Ратацыя асабовага складу — ускладнена і адбываецца з істотнымі затрымкамі. Лагістыка — абмежаваная. Пры дастаўцы неабходнай правізіі выкарыстоўваюцца як паветраныя, так і наземныя дроны», — дадаюць абаронцы горада.
Адначасова расіяне праводзяць класічныя масавыя штурмавыя дзеянні па ўсёй паласе абароны. Мэта — зламаць супраціў украінскіх войскаў, наблізіць лінію размежавання да Пакроўска і Мірнаграда, паступова ўсталёўваючы поўны кантроль над кварталамі абодвух месцаў.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна33
Каментары
На деле уже на прошлой неделе говорилось об оперативном окружении украинских войск в Покровске.