Прэзідэнт Украіны падзякаваў Германіі за перадачу сістэм супрацьпаветранай абароны.
Сістэма «Пэтрыёт». Ілюстрацыйнае фота: Czarek Sokołowski / AP
«Мы ўмацавалі кампанент «Пэтрыётаў» у нашай украінскай супрацьпаветранай абароне. Я дзякую Германіі і асабіста канцлеру Фрыдрыху Мерцу за гэты наш сумесны крок для абароны жыццяў ад расійскага тэрору», — звярнуўся Уладзімір Зяленскі ў сацсетках.
Колькасць перададзеных сістэм СПА ён не назваў.
Раней паведамлялася, што Германія разам з Нарвегіяй фінансуюць дзве сістэмы Patriot і ракеты да іх. Іх збіраліся перадаць Украіне да канца гэтага года.
Зяленскі адзначыў, што для ўсёй тэрыторыі Украіны трэба больш сістэм, каб закрыць ключавыя аб'екты інфраструктуры і гарады, і ўкраінскія ўлады будуць над гэтым працаваць.
Цяпер чытаюць
Маладая мінчанка вырашыла праехаць у метро — цяпер тры тыдні ходзіць на мыліцах2
Каментары