На паўночным захадзе Смалявіч узводзяць новую школу, фасады якой аформленыя ў стылі карцін Казіміра Малевіча. Як паведамілі ў тэлеграм-канале «Мінскбуда», да пагаршэння надвор’я будаўнікі паспелі закрыць контур будынка і амаль скончылі работы па аздабленні фасада.

Архітэктары стварылі дызайн, натхнёны творамі вядомага мастака: белыя і шэрыя сцены ўпрыгожаныя элементамі чырвонага і жоўтага колераў.


Побач са школай узводзяць вялікі спартыўны комплекс. Там ужо нанесеная разметка для бегавых дарожак і пляцовак для валейбола, баскетбола і міні-футбола. Таксама выкладзеныя тратуарныя сцежкі і спецыяльныя пакрыцці для заняткаў спортам.

Пасля адкрыцця школа зможа прыняць каля 1020 вучняў. Хоць унутраныя работы яшчэ працягваюцца, вядома, што ўвесці ўстанову ў эксплуатацыю плануюць у 2026 годзе.
«Шэдэўры Малевіча» з-пад матраца пенсіянеркі. Кур'ёз у свеце мастацтва
Фанаты Тэйлар Свіфт гадаюць, што значыць кніга пра Шагала, Малевіча і Лісіцкага, заўважаная ў анонсе да яе новага альбома
«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск
Як выглядаюць новыя дзіцячыя садкі ў Мінску ФОТА
Каментары