У расійскім КВЗ Беларусь па-хамску паказалі як сметніцу на пабягушках
Падчас фестывалю «Голосящий КиВиН» адна з каманд паказала нумар, ад якога скрывяцца не толькі беларусы, але і лукашэнкаўская адміністрацыя.
У горадзе Светлагорску, што ў Калінінградскай вобласці, летам адбыўся штогадовы фестываль «Голосящий КиВиН». Па тэлебачанні яго паказалі некалькі дзён назад. У гала-канцэрце бралі ўдзел 16 калектываў. Сярод іх была каманда з Растова-на-Доне «Флэш-Раяль».
Яна выканала «песню пра хуткую адмову ад санкцый».
А пазней паказала нечаканы нумар, які капітан каманды пракаментаваў наступным чынам:
«Мы заўважылі, што межы дзяржаў хутка мяняюцца. І нам здаецца, што лягчэй за ўсё гэта тлумачыць музычна».
На сцэну паставілі памежны слуп. Па правы бок ад яго (калі глядзець з залы) стаў капітан з вялікім бэджам са сцягам Расіі. Па левы бок паставілі членаў каманды са сцягамі краін Балтыі — Літвы, Эстоніі і Латвіі.
І пачалася пантаміма.
Літва ўзяла памежны слуп і пачала яго рухаць у бок Расіі. Яе суседзі выказалі адабрэнне. Аднак Расія некалькі разоў пасунула слуп назад, чым выклікала незадаволенасць апанентаў. У пошуках падтрымкі краіны Балтыі паглядзелі на ЗША (сцяг гэтай краіны ўдзельнік каманды трымаў дагары нагамі).
У сваю чаргу ЗША пачалі граць на дудзе. Краіны Балтыі пачалі пад яе танчыць.
Расія працягнула пасоўваць памежны слуп далей на захад. І ў пэўны момант запрасіла тройцу перайсці на яе бок, што яны і зрабілі.
Затым на сцэне засталіся толькі Расія і ЗША. Капітан каманды ў вобразе Расіі падышоў да сумнага ўдзельніка каманды з перакуленым сцягам ЗША і выправіў памылку. А затым забраў дуду і пачаў на ёй іграць.
І тут на сцэне з’явіўся удзельнік са сцягам Беларусі. Ён з задавальненнем стаў танчыць.
На ёй засталіся тры краіны Балтыі на баку Расіі. А з левага боку выйшлі члены каманды са сцягамі асобных краін Еўропы, а таксама Канады.
Калі Расія пачала граць на дудзе, яны адмовіліся танчыць. Замест гэтага па чарзе сталі вымаць пластыкавыя пакеты. Спачатку пакеты з’явіліся толькі ў левай руцэ кожнага. Затым — у правай. «Краіны» прадэманстравалі рашучасць свайго намеру.
Францыя, якая стаяла бліжэй за ўсіх (праўда з перавернутым сцягам) з’едліва ўсміхалася ў бок Расіі і кіравала працэсам. Расія ў сваю чаргу дастала вялікі пакет для смецця і разгарнула. Краіны «калектыўнага Захаду» паклалі ў яго сваё смецце.
І тут на сцэне зноў з’явілася Беларусь з вялікай сметніцай у руках і прапанавала свае паслугі Расіі. Тая паклала пакет з сабраным еўрапейскім смеццем у сметніцу Беларусі. Пасля чаго Беларусь зноў знікла са сцэны.
Пасля гэтага на сцэне з’явіўся Кітай. Ён пранёс свой памежны слуп уздоўж усіх краін Еўропы і стаў ціснуць на ЗША. З другога боку краіну памежным слупам прыціснула Расія. Астатнія моўчкі за гэтым назіралі.
У выніку зладжанага націску ЗША вымушаныя былі саступіць. Памежны слуп Расіі апынуўся побач з кітайскім, і «краіны» паціснулі рукі.
Нумар скончыўся. Усе «краіны» пакінулі сцэну. Беларусі сярод іх не было.
Якая цяпер Расія, такі і гумар КВЗ.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары
Прасцей за ўсё заняць пазіцыю ахвяры.