За падпіску на каналы трэш-блогера Мэлстроя цяпер будуць караць
Па ініцыятыве ГУБАЗіК МУС суд Цэнтральнага раёна Мінска 4 лістапада 2025 года прызнаў усе каналы Mellstroy на розных платформах, а таксама яго лагатып і вадзяныя знакі «экстрэмісцкімі матэрыяламі», паведаміла прэс-служба Міністэрства ўнутраных спраў.
Сілавікі паведамілі, што ў кастрычніку на тэрыторыі Беларусі былі зафіксаваныя выпадкі хуліганства, парушэнняў грамадскага парадку і незаконных масавых мерапрыемстваў.
Яны лічаць, што да арганізацыі гэтых дзеянняў можа быць датычны грамадзянін Беларусі Андрэй Бурым, вядомы як блогер Mellstroy, які цяпер знаходзіцца за мяжой. МУС сцвярджае, ён праз інтэрнэт заклікаў людзей удзельнічаць у розных «конкурсах», дзе патрабаваліся супрацьпраўныя дзеянні, а вынікі публікаваліся ў сетках за ўзнагароду.
Такія дзеянні, як адзначаецца, трапляюць пад дзеянне закона «Аб супрацьдзеянні экстрэмізму». МУС папярэдзіла пра адказнасць за распаўсюджанне інфармацыі і ўдзел у любых акцыях пад эгідай Мэлстроя.
Андрэй Бурым (Mellstroy) родам з Гомеля. Яму 26 гадоў. Ён стаў вядомы дзякуючы сваім трэш-стрымам. Падчас аднаго з іх у 2020 годзе ён збіў дзяўчыну. Пасля гэтага на Бурыма была заведзена крымінальная справа. У выніку ён атрымаў паўгода выпраўленчых работ і штраф.
Mellstroy у цэлым рэгулярна трапляе ў скандальныя навіны, даючы сваім гледачам вар'яцкія заданні і абяцаючы шчодрыя выплаты за іх выкананне. Тым не менш, гэтыя абяцанні не заўсёды выконваюцца.
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі16
Каментары
Я сам читаю независимые СМИ и естественно криминализация этого мне нравится не может.
"Гадзюшанскі гарадскі суд Кукуеўскай вобласці скасаваў угоду куплі-продажы Аляскі і абавязаў ЗША вярнуць Аляску Расіі. Па заяве сваякоў Аляксандра II угода па продажы Аляскі была здзейснена пад ціскам экстрэмістаў-нацыяналістаў праз ліставанне па Telegram і атрыманыя грашовыя сродкі Аляксандр II адправіў тэрарыстам."