«Фуры расцягнуліся на кіламетры. Стаяць уздоўж дарогі — проста, бокам. Стаяць у полі». Відавочца расказаў пра сітуацыю перад «Каменным Логам»
Жыхар Вільні, які ў пятніцу вяртаўся з Беларусі ў Літву на асабістым аўтамабілі на літоўскіх нумарах, расказаў «Салідарнасці», якую карціну назіраў перад прапускным пунктам «Каменны Лог».
«Відовішча страшнае. Фуры расцягнуліся на многія кіламетры. Стаяць уздоўж дарогі — проста, бокам. Стаяць у полі. Едзеш — і бачыш сотні і сотні фур. Імі забітыя запраўкі, дзе можна паркавацца, задоўга да мяжы, а таксама найбліжэйшыя 2‑3 запраўкі да прапускнога пункта.
Паводле маіх назіранняў, каля 70% — на літоўскіх нумарах. Але ёсць і на польскіх і яшчэ нейкіх. Кіроўцаў фур шкада. Яны жывуць там! А побач — ні крамы, ні кавярні. Многія ходзяць групамі. У полі бачыў нешта накшталт канфоркі — кіроўцы нешта гатавалі».
Са словаў суразмоўцы, ягонае перасячэнне беларуска-літоўскай мяжы было адным з самых хуткіх за апошні год. Легкавых аўтамабіляў на еўрапейскіх нумарах, якія накіроўваліся ў Літву, былі адзінкі.
«І беларусы, і літоўцы прапусцілі вельмі хутка. Супрацоўнікаў мытні на абодвух прапускных пунктах было шмат. Беларусы некалькі разоў паўтарылі «шчаслівай дарогі». Літоўцы, звярнуў увагу, размаўлялі з кіроўцамі і пасажырамі толькі на літоўскай мове».
Мужчына адзначыў, што дарога ад Мінска да Вільні з праходжаннем мяжы ў яго заняла каля чатырох гадзін.
Нагадаем, Літва закрыла два памежныя пераходы на літоўска-беларускай мяжы ў сувязі з масавай атакай літоўскай паветранай тэрыторыі нібыта кантрабандысцкімі паветранымі шарамі, што ляцелі з боку Беларусі. У выніку ў Беларусі аказаліся заблакаванымі каля 5 тысяч літоўскіх грузавікоў і паўпрычэпаў. Беларускія ўлады адмаўляюцца іх выпускаць з краіны. Закрыццё мяжы мае прадоўжыцца як мінімум да канца лістапада.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
Ну точна завербаваны.
Гэта ж прамая мана менавіта ў такой фармулёўкі.
Такладней так "Беларускія ўлады адмаўляюцца іх выпускаць з краіны на ўмовах Літвы".