Партрэт палітвязня Андрэя Пачобута высвечваецца на фасадзе Прэзідэнцкага палаца ў Варшаве ФОТАФАКТ
Фота з выявай Андрэя Пачобута на будынку выставіла на сваёй старонцы ў фэйсбуку Анхела Эспіноса Руіс, беларускамоўная паэтка з Іспаніі.
Учора ў Польшчы святкаваўся Дзень Незалежнасці, у гонар чаго прэзідэнт Польшчы Караль Наўроцкі ўзнагародзіў журналіста і актывіста польскай меншасці ў Беларусі Андрэя Пачобута Ордэнам Белага Арла, найвышэйшай дзяржаўнай узнагародай Польшчы.
Андрэй Пачобут — журналіст, блогер, актывіст польскай меншасці ў Беларусі і даўні карэспандэнт польскага выдання «Gazeta Wyborcza». Ён быў арыштаваны 25 сакавіка 2021 года ў Гродне і праз два гады асуджаны на восем гадоў за нібыта меркаваную варожую дзейнасць і «распаўсюджванне нянавісці». Польшча гадамі дамагаецца яго вызвалення і нават закрыла пераход «Баброўнікі».
Сёлета Андрэй Пачобут атрымаў прэмію Сахарава, якую Еўрапейскі парламент прысуджае асобам, што зрабілі выключны ўнёсак у барацьбу за правы чалавека.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
Шмат здароў'я Пачобуту, каб хутчэй выйшаў на волю!