Сістэма Payoneer спыніла пераводы на даляравыя рахункі ў Беларусі
Плацежная сістэма Payoneer аб'явіла, што больш не праводзіць пераводы ў далярах ЗША ў Беларусь. Пра гэта паведамілі карыстальнікі, якія атрымалі адпаведныя паведамленні ад сэрвісу, піша Office Life.
У тлумачэнні кампаніі адзначаецца, што даляравыя банкаўскія рахункі беларусаў будуць адключаныя ад акаўнтаў Payoneer, каб пазбегнуць няўдалых транзакцый.
Цяпер пераводы ў Беларусь у далярах праз гэту сістэму сталі недаступнымі, але пераводы ў еўра працягваюць працаваць у звычайным рэжыме. Карыстальнікам прапануюць памяняць свае рахункі з даляравых на еўравыя, каб працягваць атрымліваць выплаты. Пры гэтым сродкі можна накіроўваць з іншых валютных балансаў, напрыклад з даляраў або фунтаў стэрлінгаў, — грошы будуць аўтаматычна канвертавацца ў еўра.
Payoneer таксама нагадвае, што пасля лютага 2022 года сістэма не працуе з некаторымі беларускімі банкамі, якія трапілі пад заходнія санкцыі. Таму частка карыстальнікаў не можа выводзіць сродкі або ствараць новыя акаўнты.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары