Футбольная зборная адправілася ў Данію на матч адборачнага турніру чэмпіянату свету па футболе.
Традыцыйна яны дабіраліся на гульні ў Еўропы праз аэрапорт Вільні, але пасля закрыцця беларуска-літоўскай мяжы было вырашана дабірацца да Варшавы.
Каманда выехала аўтобусам з Мінска а восьмай вечара ў чацвер, беларускую мяжу прайшла за паўтары гадзіны. А час чакання на нейтральнай паласе і наступнае праходжанне польскага прапускнога пункта склала больш за 12 гадзін.
Па гэтай прычыне Асацыяцыі Беларуская федэрацыя футболу прыйшлося дадаткова ўзгадняць змену раскладу вылету чартарнага рэйсу па маршруце «Варшава — Капенгаген», які быў заказаны загадзя з мэтай спрашчэння лагістыкі да месца правядзення матча.
Агулам шлях з Мінска да польскай мяжы склаў 18 гадзін.
Па стане на 14:00 пятніцы на пераходзе «Брэст» стаяць 90 аўтобусаў.
Матч адборачнага турніру са зборнай Даніі пройдзе ў суботу ў Капенгагане і пачнецца ў 22:45 па беларускім часе. Беларуская зборная прайграла ўсе чатыры папярэднія гульні, у тым ліку Даніі ў Венгрыі 0:6 і страціла нават тэарэтычныя шанцы на другое месца ў групе, што дае пуцёўку ў плэй-оф.
Каментары