Футбольная нацыянальная каманда вечарам у пятніцу прыбыла ў сталіцу Даніі, дзе ў суботу правядзе матч адборачнага турніру.
Футбалісты зборнай засяляюцца ў гатэль і рыхтуюцца да выезду на перадгульнявую трэніроўку на стадыён «Паркен», — паведамляе прэс-служба АБФФ.
Гульцы 12 гадзін стаялі на польскай мяжы.
Матч адборачнага турніру чэмпіянату свету па футболе паміж зборнымі Даніі і Беларусі адбудзецца сёння ў Капенгагене. Старт паядынку — а 22:45 паводле беларускага часу.
Турнірнае становішча пасля чатырох тураў:
Данія, Шатландыя — 10, Грэцыя — 3, Беларусь — 0.
Беларусы страцілі нават тэарэтычныя шанцы на другое месца, якое дае пуцёўку ў стыкавыя матчы. Даніі ў першым матчы беларусы разгромна прайгралі 0:6, Грэцыі з лікам 1:5, Шатландыі двойчы саступілі 0:2 і 1:2.
Галоўная інтрыга ў нашай групе, хто зойме першае месца, якое дае прамую пуцёўку на мундыяль, а хто будзе прабівацца праз стыкавыя матчы ў сакавіку.
Шатландыя і Данія згуляюць паміж сабой у аўторак у Глазга. Беларусы ў гэты дзень правядуць свой апошні адборачны паядынак, супернікам будзе Грэцыя, а матч пройдзе ў Венгрыі.
Чэмпіянат свету па футболе пройдзе з 12 чэрвеня па 16 ліпеня 2026 года адразу ў трох краінах: ЗША, Мексіцы і Канадзе. Упершыню ў ім возьмуць удзел 48 зборных.
Пуцёўкі ўжо заваявалі: ЗША, Мексіка і Канада (як арганізатары).
Ад Паўднёвай Амерыкі — Аргенціна, Уругвай, Бразілія, Парагвай, Калумбія, Эквадор,
ад Афрыкі — Каба-Вердэ, Алжыр, Туніс, Егіпет, ПАР, Марока, Гана, Сенегал, Кот д'Івуар.
ад Азіі — Японія, Паўднёвая Карэя, Аўстралія, Катар, Узбекістан, Іярданія, Саудаўская Аравія.
ад Акіяніі — Новая Зеландыя.
Ад Еўропы пакуль тры зборныя — Англія, Францыя і Харватыя.
Яшчэ ад Еўропы вызначыцца дзевяць зборных, што зоймуць першыя месцы ў сваіх групах, а 12 каманд, што фінішуюць другімі, +4 лепшыя каманды з Лігі нацый у стыкавых матчах у сакавіку разыграюць чатыры пуцёўкі.
Таксама дзве пуцёўкі будуць у міжкантынентальных стыкавых матчах, дзе будуць чатыры зборныя з Цэнтральнай Амерыкі, а таксама Балівія і Новая Каледонія.
Лёсаванне групавога турніру чэмпіянату свету пройдзе 5 снежня.
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч3
Каментары