Грамадства66

Міністр транспарту расказаў, як будуць выконваць загад Лукашэнкі разабрацца з маршруткамі

Купяць новыя аўтобусы, але ці будуць тыя патрэбныя, чыноўнікі пакуль не ведаюць.

Фота: lookby.media

Міністр транспарту і камунікацый Аляксей Ляхновіч запэўніў: комплекснае рашэнне знойдзена і будзе рэалізавана ў найбліжэйшы час, каб сітуацыя палепшылася.

Па-першае, Мінаблвыканкам набудзе 15 аўтобусаў для курсіравання ў бок Жодзіна, Барысава і назад. Такім чынам, транспарт будзе хадзіць часцей.

Запланаваная да закупкі тэхніка — больш умяшчальная за маршрутныя мікрааўтобусы, падкрэслівае чыноўнік. 

Але і маршруткі таксама працягнуць вазіць людзей, запэўніў міністр.

Размяркоўваць аўтобусы будуць з улікам пасажырапатоку. Ён, паводле даных міністра, на гэтым кірунку складае каля 600 чалавек за гадзіну.

Акрамя таго, купіць білеты для праезду ў гэтым кірунку можна будзе ў кіёску на прыпынку або праз інтэрнэт. Так пасажыры змогуць садзіцца ў салон ужо з білетамі, а не стаяць па іх да кіроўцы. Яму не прыйдзецца губляць час на пералік грошай, выдачу рэшты.

— Мінская вобласць будзе вырашаць, колькі аўтобусаў у тым ці іншым кірунку дадаць, — удакладніў кіраўнік Мінтранса.

Ён не выключыў, што, калі чэргаў не будзе, а аўтобусы пры гэтым не будуць запаўняцца, іх частку пусцяць на іншыя кірункі, дзе загрузка вышэйшая.

14 лістапада Аляксандр Лукашэнка на нарадзе аб выніках работы БелАЭС нечакана загаварыў пра маршруткі і чэргі на іх. 

Ён абурыўся недахопам грамадскіх відаў транспарту ў прыгарадным і міжгароднім злучэнні.

«Людзі крыўдзяцца: стаяць, асабліва ў гадзіны пік, па 150 метраў, як яны пішуць, у чэргах, каб уціснуцца ў гэтую маршрутку смярдзючую, — сказаў ён. — Слухайце, чаго вы з людзей здзекуецеся?!»

«Мы што, не можам замяніць гэтыя маршруткі, Аляксандр Генрыхавіч, аўтобусамі? — заўважыў Лукашэнка, звяртаючыся да прэм'ер-міністра Аляксандра Турчына. — Трэба паставіць, аж да таго, што не толькі на рухавіках унутранага згарання аўтобусы, але і электробусы паставіць. І хай ідуць».

Каментары6

  • Ёсік
    16.11.2025
    [Рэд. — Дзякуй, выправiлi]

    [Зрэдагавана]
  • Тутэйшы
    16.11.2025
    Як заўсёды, вар'яцкую ідэю пахана, зробяць праз дупу. А у выніку не будзе ніякіх электрааўтобусаў, бо дораха, але усе будуць у полюсе: адны ад чытаюцца аб зробленым распараджэнні, у другога з'явіцца магчымасць усіх ператрахіваць, а людзі праз 2-3 месяцы будуць ездзіць,як і раней, на маршруце.
  • БелЖд оплатит праздник жизни
    16.11.2025
    Ничего, веренич поможет и всё оплатит. Железнодорожников разгоняет, оставляет режимные объекты и режимные помещения без людей (железнодорожников), можно грабить, проводить диверсии и жечь.
    Зато, можно оплатить новые автобусы для облисполкомов и минтранса...

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць