У Расіі здымаюць камедыйны серыял пра «СВА». Генеральным прадзюсарам стаў Вадзім Галыгін
Анлайн-кінатэатр Premier абвясціў пра старт здымак камедыйнага серыяла «Адваротны бок медаля» пра службу і быт расійскіх добраахвотнікаў-захопнікаў на фронце ва Украіне.
Праект здымае рэжысёр Алег Фамін паводле сцэнара ўдзельніка «СВА» Мікалая Сідарава. Адным з генеральных прадзюсараў заяўлены беларускі комік Вадзім Галыгін, піша Insider.
Ролі ў серыяле выканаюць Уладзімір Епіфанцаў, Андрэй Фралоў, Аляксандр Галавін, Міраслава Міхайлава, Аляксандр Лае, Аляксандр Міхайлаў, Гурам Баблішвілі і іншыя.
Серыял «Адваротны бок медаля» расказвае пра групу добраахвотнікаў, якая прыбывае ў зону баявых дзеянняў. Апынуўшыся ў зоне баявых дзеянняў, яны спачатку дапускаюць шмат памылак, трапляюць праз няведанне ў небяспечныя, кур'ёзныя і абсурдныя сітуацыі, але нібыта паступова набіраюцца досведу.
Вадзім Галыгін нарадзіўся ў Барысаве. Пасля школы паступіў у Мінскае вышэйшае вайскова-каманднае вучылішча, якое скончыў у 1997 годзе. Атрымаў званне лейтэнанта і служыў у арміі Беларусі, пазней звольніўся ў запас у званні старшага лейтэнанта. Атрымаў шырокую вядомасць дзякуючы ўдзелу ў Клубе вясёлых і знаходлівых і Comedy Club.
Праект ствараецца прадзюсарамі кампаніі WMG пры падтрымцы Інстытута развіцця інтэрнэту (ІРІ). Пасля нападу Расіі на Украіну ІРІ фінансуе пад выглядам «патрыятычнага» інтэрнэт-кантэнту прапагандысцкія праекты, на якія вылучаюцца некалькі мільярдаў расійскіх рублёў.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага26
Каментары