«Заўтра — сустрэчы ў Турцыі. Рыхтуем актывізацыю перамоваў, і ў нас ёсць напрацаваныя рашэнні, якія прапануем партнёрам», — напісаў прэзідэнт Украіны.
Прэзідэнт Украіны Уладзімір Зяленскі абвясціў пра візіт у Турцыю з мэтай актывізаваць мірныя перамовы з Расіяй, піша Deutsche Welle.
«Заўтра — сустрэчы ў Турцыі. Рыхтуем актывізацыю перамоваў, і ў нас ёсць напрацаваныя рашэнні, якія прапануем партнёрам. Усёй сілаю набліжаць заканчэнне вайны — першы прыярытэт Украіны. Працуюць таксама, каб аднавіць абмен і вяртанне палонных», — напісаў ён у сацсетках у аўторак, 18 лістапада.
Неўзабаве пасля гэтага інфармаваная крыніца ў Турцыі паведаміў агенцтву Reuters, што спецпрадстаўнік ЗША Стыў Уіткаф 19 лістапада наведае Турцыю і прыме ўдзел у запланаваных там перамовах з Зяленскім. AFP жа са спасылкай на ўкраінскую крыніцу піша, што прэзідэнт Украіны сустрэнецца ў Анкары са сваім турэцкім калегам Рэджэпам Таіпам Эрдаганам.
Прэс-сакратар Уладзіміра Пуціна Дзмітрый Пяскоў распавёў, што расійскі бок не атрымліваў «ніякай інфармацыі з Кіева». Прадстаўнікоў РФ у Турцыі ў тыя дні, калі туды прыедзе Зяленскі, не будзе, удакладніў ён.
11 лістапада намеснік міністра замежных спраў Украіны Сяргей Кісьціца заявіў пра прыпыненне мірных перамоваў паміж Кіевам і Масквой у сувязі з адсутнасцю прагрэсу. «У варунках дыктатуры (у Расіі) немагчыма весці плённыя дыскусіі з перамоўнымі групамі, якія прадстаўляюць дыктатара. У іх вельмі жорсткі мандат, і яны павінны адстойваць тую пазыцыю, якую ім загадалі», — патлумачыў тады Кісьціца.
У той жа час 16 лістапада ў Кіеве заявілі, што ўскосныя перамовы аб абмене палоннымі з РФ зноў вядуцца. Сакратар Савету нацыянальнай бясьпекі і абароны Украіны Рустэм Умераў патлумачыў, што гаворка ідзе пра ўзнаўленьне абмену ў рамках «стамбульскіх дамоўленасцяў». Пасярэднікамі ў абмеркаванні ўзнаўленя абмену выступілі Турцыя і ААЭ. «У найбліжэйшы час пройдуць тэхнічныя кансультацыі. Яны павінны замацаваць усе працэдурныя і арганізацыйныя моманты», — указаў кіраўнік РНБА
-
Удары па сталі. Як расійскія ракеты разбурылі найважнейшую для Украіны металургічную індустрыю
-
Масіраваная атака на Кіеўшчыну: загінула дзіця, разбураныя і пашкоджаныя дамы, аб’екты інфраструктуры
-
У Кіеве расійскімі ўдарамі пашкоджана дэпо станцыі «Кіеў-Пасажырскі», дата– і бізнэс-цэнтры, жылыя дамы
Каментары
Расейская армія бамжы, нават Кіеў за 3 дні не ўзялі. Украіна вырабляе дроны і ракеты, каторыя пакінуць ад крамля руіны.