Грамадства1010

На выратаванне вядомага касцёла дзяржава так і не знайшла грошай і звярнулася да грамадзян

Магілёўскі райвыканкам 18 лістапада абвясціў аб зборы ахвяраванняў для правядзення супрацьаварыйных мерапрыемстваў і кансервацыйных работ закінутага касцёла святога Мікалая ў вёсцы Княжыцы Магілёўскага раёна — папулярнага месца для фотасесій, піша Katolik.life.

На выратаванне вядомага касцёла дзяржава так і не знайшла грошай і звярнулася да грамадзян

Публікацыю назвалі «зваротам да спадкаемцаў гісторыка-культурных каштоўнасцяў Магілёўшчыны» і адзначылі, што будынак храма мае патрэбу ў правядзенні тэрміновых супрацьаварыйных і кансервацыйных работ. Для гэтага адкрылі дабрачынны рахунак і звярнуліся «да ўсіх неабыякавых з просьбай аказаць фінансавую дапамогу».

Будынак XVII стагоддзя ўваходзіць у спіс помнікаў архітэктуры, якія ахоўваюцца дзяржавай. Але на працягу некалькіх гадоў грошай у бюджэце нават на кансервацыю будынка так і не знайшлі.

Яшчэ ў 2015 годзе касцёл у Княжыцах, які ўваходзіць у спіс гісторыка-культурнай спадчыны краіны, уключылі ў рэгіянальны комплекс мерапрыемстваў па рэалізацыі ў Магілёўскім раёне дзяржпраграмы «Культура Беларусі» на 2016‑2020 гады. На аднаўленчыя работы абяцалі выдзеліць каля 370 тысяч рублёў. Але сродкаў ні ў раённым, ні ў абласным бюджэтах не знайшлося.

Па законе, захаванасць гісторыка-культурнай каштоўнасці абавязаны забяспечыць уласнік. Будынак стаіць на балансе Княжыцкага сельвыканкама, але ўсё, што там змаглі зрабіць — абнеслі небяспечны аб'ект драўляным плотам, забілі ўсе ўваходы, па перыметры развесілі шыльды: «Уваход забаронены».

У 2024 годзе мясцовыя жыхары накіроўвалі петыцыю з просьбай аднавіць гэты аб'ект гісторыка-культурнай спадчыны. Але сродкаў так і не выдзелілі нават на мінімальныя работы.

Цяпер грошы спрабуюць сабраць праз дабрачынны рахунак. Пералічыць ахвяраванні можна па гэтых рэквізітах:

№ BY67AKBB36410573113537000000 у ААТ АСБ «Беларусбанк»
МОУ №700, BICAKBBBY2Х, УНП 700020223
з пазнакай «Касцёл св. Мікалая» ў аг. Княжыцы Магілёўскага раёна

Каментары10

  • Зато усатая семейка кайфует
    19.11.2025
    Терпите дальше, рабы.
  • Ксюша, як спіцца?
    19.11.2025
    Затое знайшла баблішка на дом сямейству лукашыстаў Тураў.
  • Ёсік
    19.11.2025
    Захар, а цэрквы з цыбулінамі не за быджэтныя грошы будуюцца? Мяркую, што так, не маюць яны такіх заможных прыхаджан, ды й расея зараз не асабліва грашыма будзе раскідвацца, ёсьць куды саваць без рпц.

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера3

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

больш чытаных навін
больш лайканых навін

Крымскі мост зруйнаваны ўдарам ракет «Фламінга»32

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць