Свет1111

У адміністрацыі Трампа абмяркоўваюць план па ліквідацыі прэзідэнта Венесуэлы

Злучаныя Штаты разглядаюць радыкальныя сцэнары ціску на Венесуэлу — аж да таемнай спецаперацыі з мэтай ліквідаваць прэзідэнта Нікаласа Мадура, піша The New York Times са спасылкай на чыноўнікаў ЗША.

Фота: Pedro Mattey/Anadolu via Getty Images

Як паведамілі дасведчаныя крыніцы газеты, прэзідэнт Дональд Трамп ухваліў падрыхтоўку сакрэтных дзеянняў ЦРУ ўнутры Венесуэлы, якія могуць прывесці да маштабнай вайсковай кампаніі.

ЦРУ атрымала санкцыю на правядзенне аперацый, што ўключаюць дыверсіі, кібер- і псіхалагічнае ўздзеянне з мэтай «падрыхтаваць поле бою». Вайскоўцы ж паралельна прапрацоўваюць варыянты дакладных удараў па аб’ектах, звязаных з наркатрафікам, і па ахове Мадура. Сярод працоўных сцэнароў — захоп нафтавых радовішчаў Венесуэлы, а таксама захоп або ліквідацыя Мадура.

Пры гэтым Трамп адначасова ініцыяваў закрытыя перамовы з Мадура. Паводле слоў суразмоўцаў газеты, венесуэльскі лідар паведаміў, што гатовы пайсці ў адстаўку пасля двух—трохгадовага пераходнага перыяду. Белы дом адмовіўся разглядаць такую адтэрміноўку, але дыпламатычны шлях выхаду з сітуацыі цалкам не выключаны.

У публічных выступах Трамп абвінавачвае Венесуэлу ў наркатрафіку і арганізацыі незаконнай міграцыі, аднак у прыватных абмеркаваннях падымае тэму гіганцкіх нафтавых рэзерваў краіны і магчымасці доступу да іх амерыканскіх кампаній.

Раней Нікалас Мадура прапанаваў ЗША пайсці ў адстаўку на працягу двух-трохгадовага пераходнага перыяду, ён вылучыў гэтую ідэю падчас неафіцыйных перамоваў. Белы дом адхіліў яго прапанову і запатрабаваў неадкладна пакінуць пасаду.

На мінулым тыдні прэзідэнт ЗША Дональд Трамп правёў дзве сустрэчы са старшымі саветнікамі ў Сітуацыйным пакоі Белага дома, на якіх абмяркоўваліся сітуацыя ў Венесуэле і варыянты дзеянняў.

Трамп даручыў ЦРУ падрыхтаваць планы некалькіх сакрэтных аперацый на тэрыторыі Венесуэлы, а таксама пачаў сакрэтныя перамовы з урадам Венесуэлы, прыпыненыя ў мінулым месяцы.

Мадура кіруе Венесуэлай з 2013 года. 

У 2024 годзе ў Венесуэле прайшлі выбары, якія афіцыйна выйграў Нікалас Мадура, але апазіцыя сцвярджае, што большасць галасоў была адданая за ягонага апанента Эдмунда Гансалеса. ЗША не прызналі вынікі выбараў і лічаць Мадуру нелегітымным.

Прэзідэнт і некаторыя высокапастаўленыя чыноўнікі Венесуэлы абвінавачваюцца ў ЗША ў адмыванні грошай і кантрабандзе наркотыкаў. У ліпені Мінфін ЗША абвінаваціў Мадура ў кіраўніцтве венесуэльскім картэлем Cártel de los Soles і прызнаў яго тэрарыстычнай арганізацыяй.

Сітуацыю абвастрылі нядаўнія меры Трампа, у тым ліку дэпартацыі сотняў венесуэльцаў у 2025 годзе, большасць з якіх абвінавачваліся ў прыналежнасці да банды Tren de Aragua. Усяго з лютага ЗША дэпартавалі каля 8000 венесуэльцаў.

Каментары11

  • Асноўная мэта, а не нейкая там барацьба з наркатрафікам
    19.11.2025
    “у прыватных абмеркаваннях падымае тэму гіганцкіх нафтавых рэзерваў краіны і магчымасці доступу да іх амерыканскіх кампаній”.
  • Рэальныя прычыны
    19.11.2025
    Трампу таксама захацелася сваёй пабеданоснай вайнушкі, сваёй сво як і ў яго сябра пуціна, на радасць рэднэкам каб хоць неяк падняць свой рэйтынг які ўпаў да 38%, ды шчодра аддзячыць амерыканскія карпарацыі якія вылучалі грошы на яго прадвыбарную кампанію, перадаўшы ім захопленыя нафтавыя радовішчы ў Венесуэле. Вось якія рэальныя прычыны, а не барацьба з наркатрафікам (але менавіта гэта будзе агучана рэднэкам).
  • Национал-капиталист Беларуси
    19.11.2025
    А план по ликвидации Лукашенко не обсуждают в Вашингтоне? Мы, бизнесмены Беларуси, приветствовали бы такое решение.

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць