Вакансія ў «Нашай Ніве»: перакладчык з беларускай на расейскую + карэктар беларускай версіі + мадэратар каментаў
Увага: вакансія толькі для людзей з філалагічнай адукацыяй. Праца на поўную загрузку, спалучаць з працай на іншыя СМІ нельга.
Працоўныя задачы камбінаваныя: гэта і карэктура беларускай версіі выдання, і пераклад з беларускай на расейскую мову, і мадэрацыя каментаў на сайце. Усё гэта робіцца адначасова, таму вакансія пасуе тым, хто здатны хутка пераключацца з адной задачы на іншую.
Спалучаць з працай на іншыя праекты і СМІ нельга. Загрузка будзе поўная, на частку стаўкі працаваць няможна. Праца пазменная (часам у першую палову дня, часам у другую).
Галоўнае — хуткадзейнасць, выдатнае веданне беларускай і расейскай моваў і працаздольнасць. Журналісцкая адукацыя не абавязковая, але філалагічная — абавязковая.
На гэты момант мы дзеля бяспекі працуем толькі з людзьмі, якія не ў Беларусі. У якой краіне вы жывяце — няважна, работа анлайн. Праца па афіцыйнай дамове, заробак на картку. Выдатны калектыў, у якім лёгка расці і развівацца.
Дасылайце інфармацыю пра сябе + спасылкі на свае сацыяльныя сеткі + усё, што можа сведчыць на вашу карысць, на [email protected]. Можна высылаць і прыватна ў сігнал і тэлеграм тым рэдактарам і журналістам «Нашай Нівы», якіх вы ведаеце асабіста, калі вы лічыце гэта больш бяспечным для сябе.
-
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
-
Адказ чытачу з Томска пра тое, чаму ваш «яркі рэжысёр» нам непрымальны
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі9
Каментары