Свет1010

У Расіі заявілі пра немагчымасць скласці дзяржаўны бюджэт без новага павышэння падаткаў

Міністэрства фінансаў Расіі заявіла, што без павышэння падаткаў збалансаваць дзяржаўны бюджэт больш немагчыма: усе фінансавыя рэзервы, якія дазвалялі закрываць дэфіцыт, вычарпаныя. Пра гэта паведаміў намеснік міністра фінансаў Уладзімір Колычаў, піша The Moscow Times.

Здымак ілюстрацыйны з сацыяльных сетак

Уладзімір Колычаў адзначыў, што за апошнія шэсць гадоў выдаткі расійскага бюджэту выраслі з 16,6% да 19,7% ВУП, у тым ліку з-за рэкорднага з савецкіх часоў фінансавання выдаткаў «на абарону» — каля 30% бюджэту. У той жа час даходы адносна памеру эканомікі скараціліся з 18,4% да 17,1% ВУП. Асноўнае падзенне прыйшлося на нафтагазавыя паступленні.

Па словах чыноўніка, дзяржава ўжо выкарыстала ўсе магчымыя крыніцы: нафтагазавыя даходы, сродкі Фонду нацыянальнага дабрабыту, свабодныя рэшткі, рост дзяржаўных запазычанняў і меры па павелічэнні даходаў без змянення асноўнай падатковай палітыкі. Але ў 2025 годзе гэтыя рэсурсы практычна скончыліся.

Таму ўрад прыняў доўгатэрміновыя рашэнні аб змяненні падатковых умоў. З новага года стаўка ПДВ у Расіі павышаецца да 22%, што павінна даць бюджэту яшчэ 1,2 трыльёна рублёў (каля 15,22 мільярда даляраў). Таксама істотна ўскладняецца праца малога бізнэсу — парог спрошчанай сістэмы зніжаецца да 20 мільёнаў рублёў, а потым і да 10 мільёнаў. Акрамя таго, істотна павялічваюцца штрафы і пошліны, а таксама ўводзіцца «тэхналагічны збор» — падатак на смартфоны, ноўтбукі і іншую тэхніку, які павінен прынесці каля 200 мільярдаў рублёў (каля 2,6 мільярда даляраў) за тры гады.

У 2025 годзе расійскі ўрад ужо павышаў падатак на прыбытак, утыльзбор і падатак на даходы фізічных асоб, плануючы сабраць 3,6 трыльёна рублёў (каля 35,65 мільярда даляраў) і знізіць дэфіцыт да 1,2 трыльёна. Але фактычна, паводле разлікаў Мінфіна, «дзірка» ў бюджэце да канца года дасягне 5,7 трлн рублёў (71,82 мільярда даляраў). Нафтагазавыя даходы скараціліся на 20%, а збор асноўных падаткаў аказаўся ніжэйшы за план: ПДВ — на 1,3 трыльёна рублёў (каля 16,56 мільярда даляраў), пошліны і акцызы — на 328 мільярдаў (каля 4,18 мільярда даляраў), падатак на прыбытак — на 160 мільярдаў (каля 1,98 мільярда), падатак на даходы фізічных асобаў — на 36 мільярдаў (каля 445 мільёнаў), утыльзбор — на 888 мільярдаў (каля 10,98 мільярдаў).

Эканамісты папярэджваюць пра рызыку «падатковай спіралі», калі павышэнне падаткаў прыводзіць не да росту збораў, а да падзення эканомікі і звужэння падатковай базы, што прымушае ўлады зноў павышаць падаткі. Гэтая сітуацыя можа паўтарыцца і ў наступным годзе, кажа эканамістка Соф’я Данец: эканоміка ўжо слабая, а новыя падаткі могуць яшчэ больш пагоршыць яе стан.

Каментары10

  • лапата
    24.11.2025
    Дарэчы, куды зніклі ўсе тыя каментатары, якія тут пішуць на языку маскоўскага наречія пад кожнай навіной пра план?
  • Феміністкі
    24.11.2025
    [Рэд. выдалена]
  • Жалезны дрывасек
    24.11.2025
    лапата, Бот, ты ўскрыўся! На тваім месцы павінна быць рыдлёўка.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць