Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны
Новая хваля атак на нафтаперапрацоўчыя заводы і іншыя паліўныя аб'екты пачалася ў жніўні, колькасць удараў павялічылася з двух-трох у тыдзень да чатырох-пяці, піша Economist. Удары па расійскіх НПЗ нават дапамагаюць «змяніць меркаванне Трампа аб перспектывах Украіны», дадае выданне.
Украіна актыўна наносіць удары па паліўнай інфраструктуры Расіі, і маштабы атак працягваюць расці. З жніўня колькасць удараў дронамі па расійскіх нафтаперапрацоўчых заводах і звязаных з імі транспартных аб’ектах павялічылася з двух-трох да чатырох-пяці на тыдзень. Апошнім часам атакам падвергліся экспартны тэрмінал у Наварасійску, НПЗ у Башкартастане (за 1300 км ад мяжы), помпавая станцыя ў Чувашыі, а таксама буйны завод у Яраслаўлі (хоць афіцыйна заяўлена, што там быў тэхнічны збой).
Паводле галоўнакамандуючага УСУ Аляксандра Сырскага, Украіна ўжо пашкодзіла 85 «каштоўных» цэляў у рамках аперацыі DeepStrike, сярод якіх — не толькі вайсковыя аб’екты, але і ключавыя прамысловыя цэнтры. Асабліва выніковымі з’яўляюцца атакі на нафтаперапрацоўчыя прадпрыемствы, якія прыносяць найбольшы эканамічны ўрон Расіі.
Паводле аналітыкаў Energy Aspects і Argus Media, на сёння прынамсі 16 з 38 расійскіх НПЗ пацярпелі, прычым некаторыя — некалькі разоў.
Пастаянныя пашкоджанні робяць рамонт неэфектыўным. У выніку — падзенне экспарту дызеля на 30% у параўнанні з мінулым годам і востры дэфіцыт паліва ўнутры краіны: у розных рэгіёнах фіксуюцца кіламетровыя чэргі на запраўках, а мясцовыя ўлады ўводзяць нормы продажу паліва. У Крыме аўтамабілістам дазволена купляць не больш за 30 літраў.
25 верасня віцэ-прэм’ер Расіі Аляксандр Новак абвясціў аб частковай забароне экспарту дызеля, а таксама падоўжыў ранейшую забарону на экспарт бензіну да канца года.
Пры гэтым удары па нафтаправодах і тэрміналах, як у Прыморску, пакуль менш эфектыўныя — яны лягчэй паддаюцца рамонту. Але менавіта экспарт нафтапрадуктаў, а не сырой нафты, забяспечвае Расіі асноўныя даходы.
На думку аўтараў, неаслабная канцэнтрацыя ўвагі на нафтаперапрацоўчых заводах «больш за ўсё мяняе рыторыку вайны і, па ўсёй бачнасці, нават дапамагае змяніць меркаванне Дональда Трампа аб перспектывах Украіны».
На фоне таго, як расійская авіяцыя б’е па гарадах, украінская стратэгія — мэтанакіравана біць па інфраструктуры, ад якой залежыць працяг вайны. Паводле аналітыкаў, хоць гэтыя ўдары і не «паралізуюць» эканоміку РФ імгненна, але паступова пазбаўляюць Крэмль магчымасці фінансаваць далейшую эскалацыю, а насельніцтва ўсё мацней адчувае на сабе наступствы вайны.
Лукашэнку на руку, што Украіна б'е па расійскіх НПЗ? Што гэта прынясе Беларусі
На закрытай нарадзе ў Лукашэнкі абмяркоўвалася пытанне вытворчасці паліва для Расіі
У выніку атакі дронаў адбыўся пажар на НПЗ у Краснадарскім краі
Пасля атакі ўкраінскіх беспілотнікаў загарэўся Новаўфімскі НПЗ у Башкартастане
Украінскі беспілотнік вывеў са строю найбуйнейшы НПЗ «Раснафты»
Пяты НПЗ у Расіі спыніў перапрацоўку нафты пасля атакі беспілотнікаў
Дроны разбамбілі НПЗ у Самары і Краснадарскім краі. А расійская ракета ўшчэнт разнесла пяціпавярховік у Кіеве
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ22
Каментары