Сярод беларускіх каталікоў пашырае ўплыў «Альфа». Чаму не ўсім гэта даспадобы?
Рух «Альфа-курс» актыўна развіваецца ў Каталіцкай царкве ў Беларусі, заявіў адзін з яго ўдзельнікаў, навагрудскі пробашч Юрый Жэгарын. Ён жа назваў гэты рух «адной з найбольш дзейсных формаў новай евангелізацыі» і падзякаваў гродзенскаму біскупу за тое, што ён яе «актыўна падтрымлівае». Аднак не ўсе вернікі, прычым не толькі «кансерватыўныя каталікі», ухваляюць такую «форму новай евангелізацыі». Раней некаторыя беларускія біскупы не падтрымлівалі дзейнасць «Альфы», піша Katolik.life.
Фота ілюстрацыйнае
Ці змянілася меркаванне біскупаў цяпер, невядома, але рух дзейнічае ўжо ва ўсіх чатырох дыяцэзіях у Беларусі. Служыцелі «Альфа-курсу» сталі прыязджаць нават у маленькія аддаленыя парафіі — у прыватнасці, у Нароўлю.
Што вядома пра гэты рух і чаму ён насцярожвае «традыцыйных католікаў»?
Суполкі «Альфа-курсу» ёсць ужо ў Мінску, Віцебску, Гродне, Навагрудку, Крупках, Оршы, Глыбокім, Нароўлі і Парэччы. То-бок гэты рух ахапіў ужо значна больш парафій, чым «Неакатэхуменальны шлях» — іншая «форма новай евангелізацыі».
Але калі Нэакатэхуменат, які таксама многія крытыкуюць і не прымаюць, з'яўляецца рухам унутры Каталіцкай царквы і адсылае да першых стагоддзяў супольнага жыцця хрысціян, то «Альфа-курс» паўстаў у пратэстантызме. Укараняць яго спрабавалі не толькі ў Каталіцкай, але і ў Праваслаўнай царкве.
У сустрэчах «Альфы» многія бачаць падабенства з пратэстанцкімі служэннямі, праявы, нехарактэрныя для Каталіцкай царквы: узнесеныя ўгару рукі пры малітве, эмацыйнасць, воплескі і падтанцоўкі.
«Былі моманты, калі слёзы цяклі самі сабой. Былі абдымкі, якія казалі больш, чым словы. Была прысутнасць, якую немагчыма апісаць — толькі перажыць»,
— так апісваюць удзельнікі апошні «Уікэнд Духа Святога» ў Навагрудку.
Некаторыя відэа атрымліваюць у сацсетках крытычныя заўвагі вернікаў, напрыклад:
«Раней проста спявалі, а цяпер з прытанцоўкай. Можа, я не маю рацыі, але ніколі так не пляскаю і не рухаюся ў такт музыкі [у храме]».
Дарэчы, на відэасправаздачы пра свае сустрэчы служыцелі «Альфы» ў Каталіцкай царкве нярэдка накладваюць пратэстанцкія песні.
Насцярожваюць і некаторыя выразы ў адрас руху: «самы папулярны хрысціянскі курс», «адзін з самых дзейсных», «найлепшы спосаб расказаць пра Бога іншым людзям», «месца, дзе Бог дзейнічае асаблівым чынам», «Альфа-сям'я».
Сустрэчы «Альфа-курсу» ладзяцца раз на тыдзень. Занятак пачынаецца сумесным чаяваннем, затым — лекцыя, якую чытаюць свецкія служыцелі, абмеркаванне тэмы, пытанні ад слухачоў і абмен думкамі. Таксама праводзіцца «Альфа-ўікэнд» — «асаблівыя выхадныя для кожнага ўдзельніка курса».
«Альфа-курс» накіраваны на людзей, «якія не ходзяць у царкву і хацелі б далучыцца да хрысціянскай веры», а таксама «для хрысціян, якія хочуць асвяжыць асновы сваёй веры», тых, хто хоча «не проста даведацца пра Госпада, а спазнаць Яго Самога».
Валанцёры расчысцілі пад Навагрудкам руіны касцёла ў егіпецкім стылі ФОТАФАКТ
Пад Навагрудкам аднавілі каплічку. Рамонт яе нечаканым чынам састарыў
Вызваленыя ўчора каталіцкія святары знаходзяцца ў Ватыкане
Эйсмант: Двух каталіцкіх святароў памілавалі па просьбе Папы Льва XIV
Касцёлы Беларусі намалявалі ў папулярным трэндзе «вязаныя гарады» ФОТЫ
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро8
Каментары
А гродзенскі біскуп ведае, што наведвальнікі альфа-курсаў не збіраюцца наведваць імшу?
А так званая праваслаўная царква маскоўскага патрыярхата, якая распусціла шчупальцы па ўсёй Беларусі, з'яўляецца элементам маскоўскай акупацыі Беларусі. І я ўвогуле не разумею, як можна хадзіць у гэтую царкву і служыць у ёй пасля таго, як гэтая
так званая царква аб'явіла, што вайна расіі з Украінай з'яўляецца свяшчэннай. Пасля ўсяго гэтага як увогуле можна наведваць гэтую так званую праваслаўную царкву маскоўскага патрыярхата, калі ёсць такая альтэрнатыва, як сапраўдная Паўсюдная Царква? ("Каталіцкая" у перакладзе з грэцкай ёсьць "Паўсюдная")