П'яны беларус на памежным пункце пропуску збіў ліхтар. Яго могуць дэпартаваць
Паліцыянты ў польскім Тэрэспалі затрымалі 43‑гадовага грамадзяніна Беларусі, які кіраваў грузавіком у стане моцнага ап’янення — у яго было амаль 3 праміле алкаголю. У такім стане ён заехаў на тэрыторыю тэрмінала на памежным пераходзе, дзе пашкодзіў ліхтар і сутыкнуўся з іншай фурай.
Пасля неабходных працэдур мужчыну перадалі Памежнай службе ў Тэрэспалі, бо ў дачыненні яго распачалі працэс, які можа прывесці да высылкі з Польшчы.
Інцыдэнт адбыўся 24 лістапада, калі падчас памежнай праверкі супрацоўнікі заўважылі, што кіроўца грузавіка можа быць п’яны. На выклік адразу прыбылі паліцыянты, якія пацвердзілі падазрэнне і затрымалі мужчыну. Праверка паказала, што ў яго крыві амаль 3 праміле алкаголю. Высветлілася, што ён ужо на тэрыторыі тэрмінала пашкодзіў ліхтар і стаў удзельнікам дробнай аварыі.
Затрыманага змясцілі ў ізалятар. Яму ўжо выставілі абвінавачанне ў кіраванні транспартам у стане ап'янення, а таксама канфіскавалі грошы ў якасці забеспячэння магчымых штрафаў. Паколькі беларус сур’ёзна парушыў закон, паліцыя накіравала ў Памежную службу хадайніцтва аб яго вяртанні ў краіну паходжання. У гэтай справе распачатая адміністратыўная працэдура.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары