Авіякампанія «Белавія» разглядае магчымасць набыць некалькі новых самалётаў да наступнага летняга сезона. Як паведаміў тэлеканалу «Першы інфармацыйны» міністр транспарту і камунікацый Аляксей Ляхновіч, пасля таго, як з кампаніі былі знятыя санкцыі ЗША, гэтае пытанне цяпер актыўна прапрацоўваецца.
Здымак ілюстрацыйны. Фота: LookByMedia
Па словах чыноўніка, перавозчыку паставілі задачу закупіць ад трох да пяці самалётаў, каб задаволіць рост попыту на палёты ў курортныя напрамкі.
Акрамя таго, «Белавія» плануе адкрыць каля 20 новых маршрутаў, у тым ліку разглядаюцца розныя кірункі ў Кітай.
Раней, яшчэ да змякчэння санкцый, авіякампанія ўжо набыла ў Гамбіі тры шырокафюзеляжныя Airbus A330, два з якіх ужо лётаюць, а трэці павінны ўвесці ў эксплуатацыю да лютага 2026 года.
Цяпер чытаюць
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1010
Каментары