Беларуская авіякампанія «Белавія» стала першай замежнай авіякампаніяй, якая падключылася да расійскай сістэмы лічбавай авіяцыйнай сувязі «борт—зямля» (ACARS), распрацаванай кампаніяй «Інфакам-Авія» пры падтрымцы дзяржкарпарацыі «Растэх».
Дамову на камерцыйнае выкарыстанне сэрвісу падпісалі «Інфакам-Авія» (частка авіякампаніі «Азімут») і «Белавія».
Сістэма ACARS была створана як альтэрнатыва замежным аналагам, што сталі недаступныя з-за санкцый. Для працы сістэмы была арганізаваная сетка наземных станцый па асноўных маршрутах і цэнтр апрацоўкі даных на тэрыторыі Расіі.
Сістэма дазваляе ў рэальным часе перадаваць з самалёта ў цэнтр кіравання авіякампаніі тэхнічныя даныя і інфармацыю для экіпажа, уключаючы метэаралагічныя прагнозы і інструкцыі.
Камандзір авіяцыйнага атрада «Белавія» Олег Салтоўскі адзначыў, што спецыялісты авіякампаніі ўжо актыўна карыстаюцца ACARS. Сістэма дазваляе адсочваць стан самалёта і яго агрэгатаў у палёце, аператыўна перадаваць экіпажам неабходныя абмежаванні і інфармацыю, што павышае эфектыўнасць палётаў, ашчаджае паліва і дазваляе своечасова арганізаваць тэхнічнае абслугоўванне пасля прызямлення.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары