За атакамі на расійскія нафтавыя танкеры каля ўзбярэжжа Турцыі стаіць СБУ
Марскія дроны Sea Baby атакавалі ў Чорным моры два падсанкцыйныя танкеры Kairos і Virat.
На відэа бачна, што пасля траплення абодва танкеры атрымалі крытычныя пашкоджанні і фактычна выведзены з ладу, гэта нанясе істотны ўдар па транспарціроўцы расійскай нафты, пераказвае заяву крыніцы «РБК-Украіна».
Напярэдадні стала вядома, што пажар пачаўся на ідучым у Наварасійск танкеры Kairos пад сцягам Гамбіі. Галоўнае ўпраўленне па марскіх справах Турцыі заявіла, што танкер загарэўся з-за знешняга ўздзеяння за 28 міляў ад узбярэжжа. Пасля гэтага танкер Virat, які знаходзіцца ля берагоў Турцыі, паведаміў пра задымленне.
Два акіянічныя танкеры, што знаходзяцца пад санкцыямі за перавозку расійскай нафты, амаль адначасова пацярпелі ад выбухаў каля ўзбярэжжа Турцыі; Турцыя назвала магчымай прычынай «знешняе ўмяшанне» і абвясціла, што адзін з танкераў пацярпеў двойчы, піша Bloomberg.
Міністэрства транспарту і інфраструктуры Турцыі заявіла, што раніцай у суботу судна Virat «зноў зведала напад, атрымаўшы нязначныя пашкоджанні правага борта». Пажару на борце няма, экіпаж пачуваецца добра. Выратавальнікі знаходзяцца на бяспечнай адлегласці ад судна. Судна застаецца стабільным», — сказана ў заяве.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары