«Яны граюцца ў гульні». Мерц ды іншыя еўрапейскія лідары баяцца здрады ЗША
Мяркуючы па ўсім, сярод еўрапейскіх лідараў расце занепакоенасць, што ўрад ЗША можа адхрысціцца ад Украіны на перамовах з Расіяй, піша Bild.
Часопіс Der Spiegel паведамляе пра тэлефонную канферэнцыю, у якой удзельнічалі некалькі кіраўнікоў дзяржаў і ўрадаў Еўропы. Сярод іх былі канцлер Германіі Фрыдрых Мерц, прэзідэнт Францыі Эмануэль Макрон, генеральны сакратар НАТА Марк Рутэ і прэзідэнт Фінляндыі Аляксандр Стуб. Часопіс цытуе вытрымкі з англійскага запісу размовы:
«Існуе верагоднасць, што ЗША здрадзяць Украіне ў пытанні тэрыторый без яснасці адносна гарантый бяспекі», — заявіў Макрон у англамоўным пратаколе канферэнцыі.
Мерц папярэдзіў, што прэзідэнт Украіны Уладзімір Зяленскі павінен быць «у найбліжэйшыя дні крайне асцярожным»: «Яны гуляюць у гульні — і з вамі, і з намі», — папярэдзіў Мерц.
Верагодна, канцлер меў на ўвазе двух амерыканскіх перамоўшчыкаў — Стыва Уіткафа і Джарэда Кушнера.
Прэзідэнт Фінляндыі Стуб выказваўся ў тым жа ключы: «Мы не павінны пакідаць Украіну і Уладзіміра сам-насам з гэтымі хлопцамі», — сказаў ён у адным з эпізодаў размовы.
Генеральны сакратар НАТА Марк Рутэ пагадзіўся: «Я згодны з Аляксандрам: мы павінны абараніць Уладзіміра».
Ніводны з удзельнікаў тэлефоннай размовы не пацвердзіў часопісу Der Spiegel змест пратакола. Званок, паводле даных выдання, адбыўся ў панядзелак. Да гэтага моманту мірны план з 28 пунктаў, які Ўіткоф і Кушнер абмяркоўваюць з расійскімі прадстаўнікамі, ужо прасачыўся ў прэсу.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў55
Каментары
Добра што ёсць Мерц і Эўропа, якая ніколі не здрадзіць Украіне, і калі будзе патрэбна, нават пашле сваі войска, каб разбіць маскоўскую арду!
[Зрэдагавана]