У Магілёўскай вобласці пракуратура правяла рэйд па школьных сталовых. Сумесна з ёй праверку правялі спецыялісты тэрытарыяльных цэнтраў гігіены і эпідэміялогіі, паведаміла прэс-служба Генеральнай пракуратуры.
Фота ілюстрацыйнае
У выніку было выяўлена шмат парушэнняў:
- меню школ не адпавядала зацверджаным двухтыднёвым рацыёнам па колькасці і разнастайнасці страў;
- не праводзіўся належны вытворчы кантроль;
- не выконваліся санітарна-эпідэміялагічныя нормы ў сталовых;
- выкарыстоўваўся дэфармаваны кухонны інвентар і посуд са сколамі;
- тэхналагічнае і халадзільнае абсталяванне рамантавалі несвоечасова.
Асабліва цяжкія парушэнні знайшлі ў адной са школ Бабруйска: там знайшлі пярловыя крупы з пратэрмінаваным тэрмінам прыдатнасці і гародніну з прыкметамі гнілі і перамарозкі.
Уся няякасная прадукцыя была ўтылізаваная, а па фактах парушэнняў пракуратура прыняла меры. Ведамства таксама паведаміла, што працягне кантраляваць харчаванне школьнікаў.
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!3
Каментары
пярлоўка - адна з самых танных круп... не карыстаецца папулярнасцю ў кухонных рабочых
пярлоўку нецікава красці