Матч у падтрымку ЛГБТ на футбольным ЧС-2026 прыпаў на гульню зборных краін, дзе аднаполыя адносіны забароненыя
Матч чэмпіянату свету па футболе 2026 года, прызначаны арганізатарамі як Pride Match для падтрымкі ЛГБТК+ супольнасці, мае прайсці паміж дзвюма краінамі, дзе гомасэксуальнасць забароненая — Егіптам і Іранам, паведамляе Бі-бі-сі.
Мясцовы арганізацыйны камітэт у Сіэтле, адным з гарадоў — гаспадароў турніру, паведаміў, што гульня на стадыёне Lumen Field 26 чэрвеня будзе прысвечаная святкаванню ЛГБТК+ культуры. Планы на матч былі складзеныя яшчэ да таго, як былі вядомыя ўдзельнікі і групы ЧС-2026.
Пры гэтым у Іране за гомасэксуальныя адносіны пагражае смяротнае пакаранне, а ў Егіпце законы аб маральнасці часта выкарыстоўваюцца для абмежавання правоў ЛГБТК+ людзей.
Мерапрыемства арганізаванае толькі мясцовым камітэтам і не мае афіцыйнага статусу FIFA. Яно супадзе з афіцыйным Pride weekend у Сіэтле, і мясцовыя мастакі ў гэты дзень змогуць выставіць свае работы для дэкарацый вакол стадыёна і горада.
Камітэт па Pride Match падкрэсліў, што гульня адбудзецца па плане і што яе мэта — святкаванне і падтрымка ЛГБТК+ падзей у Сіэтле і ЗША, а таксама дэманстрацыя адзінства і павагі да ўсіх.
Гэта не першы раз, калі спробы падтрымкі ЛГБТК+ на ЧС сутыкаюцца з праблемамі: на чэмпіянаце свету 2022 года ў Катары гульцы, якія планавалі насіць павязку OneLove, рызыкавалі атрымаць жоўтую картку.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
Неблагія краіны ў гэтым аспекце
Адметна.