Прэзідэнт Украіны гатовы змяніць заканадаўства пра выбары падчас ваеннага становішча.
Прэзідэнт Украіны заявіў, што гатовы да прэзідэнцкіх выбараў, калі міжнародныя партнёры змогуць забяспечыць бяспеку падчас іх правядзення. Зяленскі гатовы да змяненняў у заканадаўстве пра выбары падчас ваеннага становішча і чакае прапаноў ад парламента. Пра гэта прэзідэнт Украіны заявіў у каментары журналістам 9 снежня падчас анлайн-брыфінгу падчас візту ў Італію і Ватыкан, піша «Украінская праўда».
У Зяленскага спыталі, ці аказвалі ЗША ціск на Украіну ў пытанні выбараў і ці абмяркоўвалі дэлегацыі магчымыя прэзідэнцкія выбары ва Украіне.
«Я гэта пытанне не абмяркоўваў. Пытанне выбараў ва Украіне, мне здаецца, перадусім залежыць ад нашага народа, і гэта пытанне народа Украіны, а не народа іншых дзяржаў. Пры ўсёй павазе да нашых партнёраў.
Скажу шчыра, што да выбараў я гатовы…
Каб правесці выбары, ёсць два пытанні — перш за ўсё бяспека: як гэта зрабіць пад ударамі, ракетамі, як будуць галасаваць нашы вайскоўцы; другое — заканадаўчая аснова для легітымнасці правядзення выбараў. І калі гэтае пытанне ўздымае прэзідэнт ЗША, нашы партнёры, я адкажу вельмі коратка: Глядзіце, я гатовы да выбараў.
Больш за тое — я прашу цяпер ЗША дапамагчы мне, можна разам з еўрапейскімі калегамі, гарантаваць бяспеку для правядзення выбараў. Тады наступныя 60—90 дзён Украіна будзе гатовая да правядзення выбараў. Я асабіста маю на гэта волю і гатоўнасць.
Я прашу, каб дэпутаты нашай фракцыі, парламентарыяў, падрыхтавалі заканадаўчыя прапановы адносна магчымасці змены заканадаўчых асноў і закона пра выбары падчас ваеннага становішча. Падрыхтавалі гэта для мяне.
Я ў сераду буду ва Украіне, чакаю прапаноў ад партнёраў і дэпутатаў і гатовы ісці на выбары».
Зяленскі назваў «неадэкватнымі» здагадкі пра тое, што нібыта ён трымаецца за прэзідэнцкае крэсла і таму ва Украіне дагэтуль працягваецца вайна.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы64
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары