На мінулым тыдні КДБ прызнаў «экстрэмісцкім фармаваннем» мясцовую ініцыятыву «Склад бутэлек».
49‑гадовы Сяргей Салаш — вядомы грамадскі дзеяч, мясцовы лідар.
Пра яго затрыманне паведаміў журналіст каранямі з Барысаўшчыны Зміцер Панкавец.
«12 лістапада ў Барысаве супрацоўнікамі КДБ быў арыштаваны мой добры сябра Сяргей Салаш. Большай інфармацыі пакуль даваць не магу», — напісаў у фэйсбуку Зміцер Панкавец.
«Шмат хто з вас таксама добра ведае Сержука. Родныя Салаша зараз знаходзяцца дастаткова ў цяжкім становішчы. Калі вы хочаце ім дапамагчы, то, калі ласка, напішыце мне, і я раскажу вам, як гэта можна зрабіць», — дадаў журналіст.
Па інфармацыі «Нашай Нівы», арыштаваныя таксама 46‑гадовы эканаміст Зміцер Бабіцкі і яшчэ некалькі чалавек, якія разам з Салашам складалі мясцовы асяродак.
У свой час Бабіцкі і Салаш удзельнічалі ў выбарчых кампаніях, балатаваліся ў дэпутаты, збіралі подпісы за кандыдатаў ад апазіцыі. У 2010‑х яны адышлі ад палітыкі і займаліся толькі бізнэсам і грамадскай дзейнасцю.
На мінулым тыдні КДБ прызнаў «экстрэмісцкім фармаваннем» ініцыятыву «Склад бутэлек». Сярод тых, каго назвалі датычным да яе, былі і Сяргей Салаш і Зміцер Бабіцкі. КДБ таксама заявіў, што да ініцыятывы маюць дачыненне Валянцін Бахцінаў, Аляксандра Вішнеўская, Настасся Цярэшка, Валерыя Бельская, Юрый Душын, Вольга Стралкоўская, Кірыл Скабейка, Дзмітрый Кавалёнак, Сяргей Статкевіч.
«Экстрэмізмам» улады Беларусі лічаць падпіскі на незалежныя каналы, СМІ, наяўнасць спасылак на іх у сацыяльных сетках ці наяўнасць у сацсетках ці на рэчах беларускай нацыянальнай, далукашэнкаўскай сімволікі. Да «экстрэмізму» адносяць таксама практычна любую крытыку ўладаў, афіцыйных гістарычных наратываў ці праявы салідарнасці з Украінай. «Экстрэмісцкімі» лічацца і непадкантрольныя ўладам віды дзейнасці.
-
Акунін расказаў, што неабходна, каб выжыць, калі ты застаўся ў кепскай краіне
-
64‑гадовага віцэ-чэмпіёна па аўтаспорце кінулі ў калонію за палітыку. Арыштавалі пасля вяртання з-за мяжы
-
Ціханоўская да 15‑й гадавіны трагедыі ў мінскім метро: Сёння — дзень памяці і болю, які жыве ў нашых сэрцах ужо 15 гадоў
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго5
Каментары
У Беларусі закатваюць проста за нерэгламентаваную “беларушчыну”
і пакараем .
Жыве Вольная Незалежная Вялікая Літва !