Вайна

Расія ўдарыла па турэцкім судне ў порце ўкраінскага Чарнаморска

Расія нанесла ракетныя і беспілотныя ўдары па двух найбуйнейшых марскіх партах Адэскай вобласці — Адэсе і Чарнаморску. У Чарнаморску ад аднаго з удараў пацярпела турэцкае цывільнае судна.

Фота: ДСНС Украіны

Паводле кадраў Дзяржаўнай службы надзвычайных сітуацый Украіны, быў пашкоджаны балкер CENK T, які належыць турэцкай кампаніі і ходзіць пад панамскім сцягам. Пасля трапляння ў яго судна загарэлася.

Як сцвярджаецца, перад атакай балкер ішоў з турэцкага порта Карасу ў бок румынскай Суліны і перавозіў кантэйнеры турэцкай кампаніі AKSA, якая выпускае генератары.

Удары наносілі ракетамі «Іскандэр-М» і дронамі «Шахед», запушчанымі з тэрыторыі Крыма.

На мінулым тыдні Уладзімір Пуцін пагражаў пашырыць удары па ўкраінскіх партах і суднах, што заходзяць у іх, пасля таго як Украіна атакавала расійскія «ценявыя» танкеры. Ён заявіў, што Расія «можа адрэзаць Украіну ад мора», абвінаваціўшы Кіеў у «пірацтве».

Раней пад украінскія атакі трапілі расійскія танкеры Kairos, Virat і Dashan, якія перавозілі нафту.

Акрамя турэцкага балкера ў Чарнаморску, расійскі ўдар прыйшоўся і на кантэйнерны перагрузчык у порце Адэсы. Па словах віцэ-прэм’ера Украіны Аляксея Кулебы, адзін супрацоўнік прыватнай кампаніі быў паранены.

Атака адбылася ў той самы дзень, калі ў туркменскім Ашхабадзе прайшла сустрэча прэзідэнта Турцыі Рэджэпа Таіпа Эрдагана і прэзідэнта Расіі Уладзіміра Пуціна. Турэцкі прэзідэнт заклікаў абодва бакі — Расію і Украіну — спыніць удары па энергетычных аб’ектах і партах.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць