Нацбанк Беларусі не выключае зніжэння стаўкі рэфінансавання ў 2026 годзе. Пра гэта паведаміў кіраўнік рэгулятара Раман Галоўчанка.
Ён растлумачыў, што, паводле ацэнак Нацбанка, працэнтныя стаўкі ў 2026 годзе захаваюцца паблізу цяперашніх узроўняў, піша Office Life.
З 25 чэрвеня Нацбанк Беларусі павысіў стаўку рэфінансавання з 9,5 да 9,75%. У пачатку лістапада Раман Галоўчанка адзначаў, што стаўка рэфінансавання на ўзроўні 9,75% цяпер з’яўляецца аптымальнай для нашай краіны. Ён назваў спрэды ў 2—3% паміж узроўнем інфляцыі і стаўкай аптымальнымі — такімі яны застаюцца і цяпер.
У лістападзе гадавая інфляцыя ў Беларусі вырасла з 6,9 да 7%.
Цяпер жа Галоўчанка ўдакладніў, што калі фактычна інфляцыя будзе запавольвацца хутчэй, чым прадугледжана ў прагнозе Нацбанка, то рэгулятар не выключае крокаў па зніжэнні стаўкі рэфінансавання і, адпаведна, працэнтных ставак па дэпазітах і крэдытах.
Ён падкрэсліў, што ў выніку ўсё будзе залежаць ад рэальнай сітуацыі, якая будзе.
Паводле слоў Рамана Галоўчанкі, для захавання цэнавай стабільнасці будзе кантралявацца рост грашовай прапановы. З боку Нацбанка будуць задзейнічаныя ўсе неабходныя інструменты.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?5
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары