Nacbank Biełarusi nie vyklučaje źnižeńnia staŭki refinansavańnia ŭ 2026 hodzie. Pra heta paviedamiŭ kiraŭnik rehulatara Raman Hałoŭčanka.
Jon rastłumačyŭ, što, pavodle acenak Nacbanka, pracentnyja staŭki ŭ 2026 hodzie zachavajucca pablizu ciapierašnich uzroŭniaŭ, piša Office Life.
Z 25 červienia Nacbank Biełarusi pavysiŭ staŭku refinansavańnia z 9,5 da 9,75%. U pačatku listapada Raman Hałoŭčanka adznačaŭ, što staŭka refinansavańnia na ŭzroŭni 9,75% ciapier źjaŭlajecca aptymalnaj dla našaj krainy. Jon nazvaŭ spredy ŭ 2—3% pamiž uzroŭniem inflacyi i staŭkaj aptymalnymi — takimi jany zastajucca i ciapier.
U listapadzie hadavaja inflacyja ŭ Biełarusi vyrasła z 6,9 da 7%.
Ciapier ža Hałoŭčanka ŭdakładniŭ, što kali faktyčna inflacyja budzie zapavolvacca chutčej, čym praduhledžana ŭ prahnozie Nacbanka, to rehulatar nie vyklučaje krokaŭ pa źnižeńni staŭki refinansavańnia i, adpaviedna, pracentnych stavak pa depazitach i kredytach.
Jon padkreśliŭ, što ŭ vyniku ŭsio budzie zaležać ad realnaj situacyi, jakaja budzie.
Pavodle słoŭ Ramana Hałoŭčanki, dla zachavańnia cenavaj stabilnaści budzie kantralavacca rost hrašovaj prapanovy. Z boku Nacbanka buduć zadziejničanyja ŭsie nieabchodnyja instrumienty.
Ciapier čytajuć
Zahinuŭ biełaruski dobraachvotnik Alaksiej Łazaraŭ5
Kamientary