Свет55

Адна з найбагацейшых сем'яў Саудаўскай Аравіі хоча набыць замежныя актывы «Лукойла»

Як паведамляе Reuters са спасылкай на тры крыніцы, асноўным прэтэндэнтам выступае кампанія Midad Energy, якая ўваходзіць у адзін з найбуйнейшых холдынгаў Саудаўскай Аравіі, што працуе па ўсім Блізкім Усходзе. Кіраўнік кампаніі мае сувязі са спецслужбамі.

Фота: AP Photo/ Valentina Petrova

Midad Energy плануе заплаціць за актывы «Лукойла» праз эскроў-рахунак, дзе сродкі будуць заблакаваныя да зняцця санкцый з расійскай кампаніі. Пры гэтым у здзелку могуць быць залучаныя амерыканскія кампаніі.

Midad Energy уваходзіць у нафтагазавы холдынг Midad Holding, які, у сваю чаргу, з’яўляецца часткай Al Fozan Holding — адной з вядучых сямейных карпарацый Саудаўскай Аравіі (11‑е месца ў рэйтынгу Forbes). Al Fozan дзейнічае праз больш за 20 даччыных кампаній у сферах рознічнага гандлю, нерухомасці, прамысловасці, энергетыкі і аховы здароўя. Midad Energy актыўна развівае міжнародную экспансію: у кастрычніку кампанія падпісала кантракт на $5,4 мільярда па распрацоўцы нафтагазавага радовішча ў Алжыры і ўжо працуе ў Азербайджане і Егіпце, як і «Лукойл».

Генеральны дырэктар Midad Energy Абдулелах Аль-Айбан — брат уплывовага дарадцы саудаўскіх уладаў па нацыянальнай бяспецы Мусаеда Аль-Айбана, які ўдзельнічаў у мірных перамовах паміж ЗША і Расіяй у Саудаўскай Аравіі. Іх бацька Махамед Аль-Айбан быў першым кіраўніком разведкі каралеўства.

Эксперты адзначаюць, што саудаўскі прэтэндэнт можа стаць зручным партнёрам і для Расіі, і для ЗША, бо Эр-Рыяд імкнецца падтрымліваць добрыя адносіны з Масквой і адначасова развівае супрацоўніцтва з Вашынгтонам. Падчас візіту Дональда Трампа ў Саудаўскую Аравію ў 2025 годзе стораны падпісалі шэраг пагадненняў у галіне абароны, энергетыкі і тэхналогій, а Эр-Рыяд абяцаў інвеставаць у ЗША да $1 трыльёна.

Акрамя Midad Energy, цікавасць да актываў «Лукойла» праяўлялі Exxon Mobil і Chevron (ЗША), International Holding Company (ААЭ), венгерская Mol і інвестыцыйны фонд Carlyle. Аднак нядаўна Мінфін ЗША адмовіў групе інвестараў пад кіраўніцтвам Xtellus Partners, якія хацелі абмяняць актывы «Лукойла» на яго акцыі, замарожаныя ў амерыканскіх фондах пасля пачатку вайны ва Украіне.

Сярод замежных актываў «Лукойла» — НПЗ у Балгарыі, Румыніі і Нідэрландах, каля 2000 АЗС у Еўропе, Цэнтральнай Азіі, ЗША і на Блізкім Усходзе, тэрмінал для авіяцыйнага паліва ў Малдове, а таксама магутнасці па здабычы нафты і газу ў Азербайджане, Казахстане, Узбекістане, Іраку, Егіпце, ААЭ, Лацінскай Амерыцы і Афрыцы.

Каментары5

  • усё як ў 80х
    16.12.2025
    "Адна з найбагацейшых сем'яў Саудаўскай Аравіі хоча набыць замежныя актывы «Лукойла»" усё як ў 80х, калі Пры кошце “чорнага золата” ў 15–23 даляры за барэль імперская эканоміка эсэсэра абрынулася, і бальшавіцкая імперыя сама развалілася.
  • 1991N2 на шляху
    16.12.2025
    Самая Верхняя Вольта, 1991N2 на шляху , галоўнае «не прапусціць вакно магчымасцей» гэтым разам. Трамп ведае Р. Рэйгана справу добра
  • hehehe
    16.12.2025
    продадут, а за что будет жить Россия? ничего не умеют ведь больше

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць