Шматразовая медалістка чэмпіянатаў свету па мастацкай гімнастыцы Меліціна Станюта падзялілася ў інстаграме, што сказала абранніку «Oui» — «так» па-французску.

Прапанову абраннік зрабіў ёй у Празе падчас сюрпрызу— вандроўкі — гімнастка да апошняга не ведала, куды едзе, ёй проста сказалі спакаваць валізку. Меліціна думала, што гэта будзе зімовае каляднае падарожжа.

«Апошні вечар у Празе мы правялі ў бары. План быў падняцца на дах рэстарана. Добра, што я зрабіла пазногці напярэдадні паездкі», — пажартавала Станюта.

На відэа гімнастка ўпершыню паказала свайго абранніка.
У 2020 годзе выбітная спартоўка падпісала ліст за новыя сумленныя выбары і супраць гвалту і была вымушаная эміграваць. Сёння яна трэніруе дзяцей па ўсім свеце і жыве ў Францыі.
Каментары