У Чавусах на Магілёўшчыне плануюць пабудаваць адметны для Беларусі завод, які будзе займацца глыбокай перапрацоўкай алейных культур. Падрыхтоўка да гэтага маштабнага інвестыцыйнага праекта ўжо пачалася, паведамляе sb.by.
Асаблівасць прадпрыемства ў тым, што яно стане першым у краіне, дзе адначасова будуць перапрацоўваць тры віды сыравіны — рапс, сланечнік і сою. Увогуле заводы такога профілю ў Беларусі ёсць, але такога фармату, каб маглі працаваць адразу з трыма культурамі — яшчэ не.
Будаўніцтва плануюць пачаць у красавіку 2026 года, а запуск вытворчасці намечаны на канец 2027-га. На заводзе створаць больш за 70 працоўных месцаў, а магутнасці дазволяць перапрацоўваць да 1000 тон сыравіны за суткі.
Выбар Чавусаў для рэалізацыі праекта тлумачаць выгадным размяшчэннем. Завод з’явіцца побач з чыгуначнай станцыяй, што дазволіць хутка і зручна наладзіць пастаўкі, у першую чаргу ў Расію. Менавіта экспартны патэнцыял стаў адным з ключавых аргументаў для інвестараў.
Заснавальнікам праекта выступае расійская кампанія «ПрамСэрвіс», а беларускае прадпрыемства ТАА «Агра пасад» плануе ўкласці ў будаўніцтва каля 160 мільёнаў рублёў. Акрамя таго, расійскі партнёр ужо звярнуўся да мясцовых уладаў з просьбай выдзеліць каля 3000 гектараў зямлі для вырошчвання алейных культур, найперш рапсу.
У перспектыве праект можа атрымаць далейшае развіццё — у тым ліку праз стварэнне асобнай сельскагаспадарчай кампаніі, якая будзе забяспечваць завод уласнай сыравінай.
Чаму цяперашняя тушонка захоўваецца толькі 2 гады, а ў савецкія часы ў разы даўжэй?
Гомельскі завод «Сантэкс» выкарыстоўваецца як пасярэднік пры пастаўцы ў Расію баявых дронаў
Пад Віцебскам пачалі вырабляць бялковыя батончыкі. Праўда, пакуль што не для беларусаў
«Чаму ўсе маўчаць пра беларускі Villeroy&Boch?»: беларуска ў захапленні ад Добрушскага фарфору
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары