Украіна нанесла ўдар па расійскім вайсковым караблі ў Каспійскім моры
Генштаб Узброеных сіл Украіны паведаміў, што ў Каспійскім моры УСУ ўдарылі па расійскім вайсковым караблі і нафтагазавай платформе.
Паводле звестак украінскага вайсковага ведамства, у ноч на 19 снежня ўкраінскія дроны атакавалі патрульны карабель праекта 22460 «Охотнік», які знаходзіўся побач з нафтагазавым радовішчам.
Таксама была пашкоджаная буравая платформа на радовішчы імя Філаноўскага, якое належыць кампаніі «Лукойл». Паводле УСУ, платформа выкарыстоўваецца для забеспячэння паліўнымі рэсурсамі расійскіх войскаў. Ступень пашкоджанняў пакуль невядомая.
Апошнімі месяцамі Украіна павялічыла колькасць удараў па расійскай нафтавай інфраструктуры. Дроны УСУ атакавалі некалькі танкераў «ценявога флоту» Расіі ў Чорным і Міжземным моры і нафтавую платформу ў Каспійскім моры. У адказ на атакі на танкеры Уладзімір Пуцін пагражаў «адрэзаць Украіну ад мора» і дапускаў магчымасць удараў па суднах хаўруснікаў Кіева.
СБУ прыцэльна ўдарыла па аэрадроме Бельбек у Крыме
СБУ заявіла пра знішчэнне ў Крыме МіГ-31, «Панцыра» і іншай каштоўнай тэхнікі
Украіна ўпершыню падбіла танкер расійскага ценявога флоту ў Міжземным моры
У ЗША ўхваляюць удары па «ценявым флоце» Расіі
Украіна трэці раз за тыдзень нанесла ўдары па расійскіх нафтагазавых аб'ектах у Каспійскім моры
Украіна нанесла ўдар па нафтаздабыўнай платформе «Лукойла» ў Каспійскім моры
Каментары