На Каляды і Новы год беларусаў Вільні і Варшавы запрашаюць на канцэрты
Прадзюсар Алесь Чахоўскі прапануе святочную праграму.
На Каляды канцэрты дае мужчынскі хор «Унія».
26 снежня хор выступіць у Беластоку (14:00) і Варшаве (20:00).
У праграме канцэрта — беларускія, польскія і ўкраінскія калядкі, выбраныя творы Баха, Моцарта, Гендаля, Грубера, а таксама сучасныя святочныя мелодыі і аўтарскія творы беларускай кампазітаркі Вольгі Падгайскай.
У Беластоку хор выступіць у Aula Magna Палаца Браніцкіх (ul. Jana Kilińskiego 1). Уваход бясплатны па запрашэннях.
Запрашэнні можна атрымаць у Цэнтры Культуры Беларускай у Беластоку (у працоўныя дні з 12.12.2025 г. у гадзінах 9:00—15:00; Jana Kilińskiego 16 lok. 2/07). Тэлефон для даведак: 537 742 000.
У Варшаве хор выступіць разам з велічным арганам і Вольгай Падгайскай у старадаўнім касцёле святога Аляксандра на плошчы Трох Крыжоў. Квіткі можна набыць тут.
«Унія» — міжнародны мужчынскі хор, заснаваны ў 1990 годзе ў Мінску. За тры дзесяцігоддзі калектыў сабраў у сваім рэпертуары больш за дзвесце духоўных і свецкіх твораў розных эпох, выпусціў некалькі альбомаў і неаднаразова станавіўся лаўрэатам міжнародных конкурсаў.
З 2021 года частка хору разам з кіраўніком Паўлам Гонцам была вымушана пакінуць Беларусь па палітычных прычынах, аднак хор не спыніў сваёй дзейнасці. Цяпер у складзе калектыву беларусы, літоўцы, палякі і ўкраінцы.
На Новы год у Вільні даюць джазавыя канцэрты з удзелам Паўла Аракеляна. Яны пройдуць 31 снежня — у 18:00 і 20:30 у джаз-клубе Downtown Piano Lab.
На чале бэнда — віртуоз і мультыінструменталіст Павел Аракелян. Да яго далучацца чароўны вакал Габіі Баўжайце і энергічныя Джузепэ Ланца (кантрабас) і Джузепэ Дэ Нізі (ударныя).
У гэты вечар прагучаць магутныя і элегантныя сусветныя джазавыя хіты і пранікнёныя навагоднія джазавыя стандарты. Гасцей пачастуюць прасека і прахаладжальнымі напоямі.
Аўтар і вядоўца гэтага вечара — прадзюсар Алесь Чахоўскі.
Квіткі можна набыць тут.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары